भीषण अपघात! ट्रेलरच्या धडकेत बहीण-भावाचा मृत्यू
। पालघर । प्रतिनिधी ।
पालघरमध्ये भरधाव ट्रेलरने दुचाकीला दिलेल्या धडकेत सख्ख्या बहीण-भावाचा मृत्यू झाल्याची दुर्दैवी घटना घडली आहे. मंगेश आणि पूजा विश्‍वकर्मा अशी मृतांची नावे आहेत.
पालघर माहीम रस्त्यावरील हरणवाडी येथील एका रहिवासी संकुलात मंगेश आणि पूजा विश्‍वकर्मा आपल्या कुटुंबासह राहत होते. मंगळवारी (दि. 13) रात्री 11 वाजताच्या सुमारास ते दोघे जेवण करून आईस्क्रीम खाण्यासाठी पालघर शहरात गेले होते. आईस्क्रीम खाऊन ते दुचाकीवरून घराकडे जात असताना भरधाव ट्रेलरने त्यांना धडक दिली. ही धडक इतकी भीषण होती की दोघांचा जागीच मृत्यू झाला. अपघातानंतर ट्रेलरचालक घटनास्थळावरून फरार झाला. याप्रकरणी पालघर पोलीस ठाण्यात ट्रेलरचालकाविरोधात गुन्हा दाखल करण्यात आला आहे.
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.