वांगणी येथे ग्रामस्थांना दीपावलीची भेट

400 किलो साखरेचे केले वाटप
| सुकेळी | वार्ताहर |
रोहा तालुक्यातील नागोठणे जवळच असलेल्या वांगणी ग्रामपंचायतीचे माजी सरपंच तथा विद्यमान सदस्य एकनाथ ठाकूर व वांगणी गावच्या पोलीस पाटील अदिती एकनाथ ठाकूर यांच्या वतीने दीपावलीसारख्या गोड सणाचे औचित्य साधून एक सामाजिक बांधिलकीची भावना जपत शनिवार (दि.22) रोजी वांगणी गावातील ग्रामस्थांना प्रतिकुटुंबाला 2 किलो साखर वाटप करण्यात आली. अशा प्रकारे एकूण 400 किलो. साखरेचे वाटप यावेळी करण्यात आले.

एकनाथ ठाकूर हे नेहमीच सामाजिक, शैक्षणिक, सांस्कृतिक क्षेत्रात वेगवेगळे उपक्रम राबविण्यात पुढे असतात. याचाच एक भाग म्हणून वांगणी गावातील कुंटुबांना साखरेचे वाटप करण्यात आले. या छोटेखानी झालेल्या कार्यक्रमाला वांगणी ग्रामपंचायतीचे माजी सरपंच तथा विद्यमान सदस्य एकनाथशेठ ठाकुर, पोलिस पाटील अदिती ठाकूर, सुरेश तेलंगे, भाऊ तेलंगे, गजानन तेलंगे, सखाराम ठाकुर, परशुराम ठाकुर, सदानंद चव्हाण, गोपाळ ठाकूर, साहिल तेलंगे, तसेच वांगणी गावातील महिला मोठ्या संख्येने उपस्थित होत्या.