राष्ट्रीय महामार्गावर डंपरला आग; चालकाचा जीव वाचला
| पनवेल । वार्ताहर ।
उरण येथील जेएनपीटी ते पळस्पे राष्ट्रीय महामार्गावरील धुतुम गावा जवळ शुक्रवारी एका डंपरला आग लागली असून या डंपरच्या चालकाने चालत्या वाहनातून उडी मारल्याने त्याचा जीव वाचला आहे. या आगीमुळे काही काळ या मार्गावरील वाहतूक बंद करण्यात आली होती. डंपरला लागलेल्या या आगीचे कारण समजू शकले नाही.
भर रस्त्यात अचानकपणे वाहनाला आग लागण्याच्या घटना वाढल्या आहेत. अशाच प्रकारची घटना उरण मध्ये घडली आहे. जेएनपीटी ते पळस्पे या राष्ट्रीय महामार्ग क्रमांक 348 वरून दररोज जेएनपीटी बंदर परिसरातील ज्वलनशील पदार्थ, तसेच भारत पेट्रोलियम मधील वायूची वाहतूक करणारी वाहने ये-जा करीत असतात, त्यामुळे या मार्गवर आशा प्रकारे वाहनांना आग लागणे धोक्याचे आहे. या आगी नंतर ती अग्निशमन दलाने विझवली आहे. मात्र डंपरच्या आगीच कारण समजू शकले नाही.
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.