। सुतारवाडी । वार्ताहर ।
पहुर येथील रायगड जिल्हा परिषद प्राथमिक शाळेत कुडली केंद्राची शिक्षण परिषद केंद्रप्रमुख उमेश महाडेश्वर यांच्या अध्यक्षतेखाली संपन्न झाली. सुरुवातीला उमेश माळेश्वर त्याचप्रमाणे ज्येष्ठ शिक्षकांच्या हस्ते दीप प्रज्वलन करण्यात आले. यानंतर कुंडली केंद्रातील उपस्थित सर्व शिक्षकांचे पहूर प्राथमिक शाळेतर्फे पुष्पगुच्छ देऊन स्वागत करण्यात आले. यावेळी अविनाश पाटील यांनी प्रास्ताविक केले. तसेच, उमेश महाडेश्वर यांनी केंद्रातील उपस्थित शिक्षकांना मार्गदर्शन केले. या शिक्षण परिषदेत अविनाश जाधव, स्वाती मगर, आदेश राऊत, राजेंद्र भोर आदींनी विविध विषयांवर मार्गदर्शन केले. यावेळी कुडली केंद्रातील सर्व शिक्षक उपस्थित होते
शिक्षण परिषद संपन्न
