कर्नाळा खिंडीत भीषण अपघात; चालकाचा जागीच मृत्यू
| पनवेल | वार्ताहर |
पेण- पनवेल मार्गावरील कर्नाळा खिंडीत भीषण अपघात झाल्याची घटना आज रविवार (दि.9) रोजी घडली आहे. या अपघातात कार चालकाचा जागीच मृत्यू झाला आहे, तर कार मध्ये असलेल्या पल्लवी जोशी ह्या गंभीर जखमी झाल्या आहेत. त्यांना उपचारासाठी तत्काळ रुग्णालयात दाखल करण्यात आले आहे.
कारमध्ये असलेल्या पल्लवी जोशी या कार मालक ड्रायव्हर जगदीश हाजरा यांच्या सोबत ठाण्याहून वडखळकडे जात होत्या. कारचालक कर्नाळा खिंडीत आले असता भरधाव वेगात येणार्‍या कंटेनरने गाडीला जोरदार धडक दिली या धडकेत कंटेनर कार वरच पलटी झाला. त्यात कारचा अक्षरशः चक्काचूर झाला असून, चालक जगदीश हाजरा यांचा कंटेनर खाली दबून मृत्यू झाला आहे. तर पल्लवी जोशी या गंभीररित्या जखमी झाल्या असून त्यांना उपचारासाठी तत्काळ रुग्णालयात दाखल करण्यात आले आहे. अपघातानंतर स्थानिक नागरिकांनी तात्काळ धाव घेत जखमींना गाडीबाहेर काढले. हायड्राच्या सहाय्याने गाडीवरील पलटलेला कंटेनर बाजूला काढण्यात आला आहे.
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.