हृदयद्रावक! चिमुकलीचा जीपमधून पडून मृत्यू

| लातूर | वृत्तसंस्था |

देवणी तालुक्यातील धनेगाव येथे मंगळवारी सायंकाळी 6.30 वाजण्याच्या सुमारास अवैध प्रवासी वाहतूक करणाऱ्या जीपमधून पडून चिमुकलीचा दुर्दैवी मृत्यू झाल्याची घटना घडली आहे.

या प्रकरणी जीप चालकाविरोधात देवणी पोलिसांत गुन्हा दाखल करण्यात आला आहे. एका विवाहसाठी औसा तालुक्यातील सेलू येथील पाहुणे धनेगाव येथे खाजगी प्रवासी जीपमधून (एम-एच-४४ बी-१९४४) प्रवास करीत होते. यावेळी आईच्या कुशीत असलेली प्रतीक्षा राम बंडगर (अडीच वर्षे) ही जीपमधून खाली पडली. यात चिमुकलीचा जागीच मृत्यू झाला. चिमुकलीच्या या आकस्मित मृत्यूने हळहळ व्यक्त होत आहे. दरम्यान, घटनास्थळाचा पंचनामा करून जीप चालकाविरोधात देवणी पोलिस ठाण्यात गुन्हा दाखल करण्यात आला आहे. पुढील तपास पोलिस उपनिरीक्षक गौड करीत आहेत.