ताम्हिणी घाटात दुचाकीचा अपघात; तरुणीचा मृत्यू
। माणगाव । प्रतिनिधी ।
माणगाव – पुणे रस्त्यावर ताम्हिणी घाटात रविवारी (दि. 1) सकाळी दहा वाजण्याच्या सुमारास दुचाकीला अपघात होऊन या अपघातात दुचाकीवरील तरुणीचा मृत्यू झाला. या अपघाताची माहिती समजताच माणगाव पोलीस घटनास्थळी दाखल झाले.
या अपघाताबाबत माणगाव पोलीस सूत्रांकडून मिळालेली माहिती अशी की, पुण्याहून माणगावच्या दिशेने दुचाकीवरून प्रवास करत असताना सकाळी दहा वाजण्याच्या सुमारास दुचाकीचा अपघात झाला. या दुर्घटनेत पूजा मनोज गोरे (27) यांचा मृत्यू झाला. दुचाकीवर त्यांच्यासोबत असलेले मंजीत संजय शर्मा (32) हे या अपघातात जखमी झाले. या घटनेमुळे गोरे कुटुंबावर दुःखाचा डोंगर कोसळला आहे. या अपघाताचा पुढील तपास माणगाव पोलीस करीत आहेत.
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.