सिलिंडरने भरलेल्या ट्रकची धडक; 15 ठार

रांची | वृत्तसंस्था |
झारखंडमधील पाकूर जिल्ह्यात बुधवारी सकाळी बस आणि ट्रक यांच्यात झालेल्या अपघातात तब्बल 15 जण ठार झाले आहेत. प्रवाशांनी भरलेली बस आणि ट्रकची थेट धडक झाली. ट्रक गॅस सिलिंडरने भरलेला होता. लिट्टीपारा-आम्रापाडा मुख्य रस्त्यावर पडेर कोलाजवळ एक खाजगी बस आणि सिलेंडरने भरलेल्या ट्रकची समोरा समोर धडक झाली. मृतांमध्ये बहुतांश जण हे बसमध्ये प्रवास करत होते.