खारघरमध्ये मित्रानेच मित्राला लुटले

57 तोळे सोन्याचे दागिने हस्तगत

| पनवेल | प्रतिनिधी |

सुशांत मोरे (37) हे मित्रांसोबत घरी चालत जात असतांना त्यांच्या मागून तीघेजण धावत आले. त्यांनी सुशांत मोरे व त्यांच्या मित्रासोबत झटापट करून मारहाण केली. त्यानंतर मोरे यांच्या हातावर चाकुने वार करून जखमी केले. त्यानंतर महेश हाटे यांच्या हातात मोरे यांचे 57 तोळे सोन्याचे दागिने असलेली पिशवी जबरीने चोरी करून पळून गेले. या गुन्हाची नोंद खारघर पोलीस ठाण्यात करण्यात आली. तपासादरम्यान सुशांत मोरे यांचा मित्र अभिनंदन माळी याने त्यांची पत्नी व मेव्हणा तसेच त्यांच्या मुळ गावाकडील साथीदाराला मोरेंची माहिती दिली. त्यांनतर त्यांना खारघर येथे घेऊन येऊन गुन्ह्याचा कट रचल्याचे निष्पन्न झाले. या गुन्ह्यामध्ये अभिनंदन तानाजी माळी (37), कोमल अभिनंदन माळी (26) व वैभव भानुदास माळी (24) यांना अटक करण्यात आली. सपोनि दळवी यांच्या पथकाने आरोपी शुभम धनाजी पाटोळे (20) व संदीप कृष्णदेव गुजंळे (20) यांना अत्यंत शिताफितीने वडुज येथून ताब्यात घेतले. या गुन्ह्यातील मुख्य आरोपी हर्षद रमेश सागरे (25) व राहुल उर्फ अमित राजेंद्र माळी (23) हे गुन्हा घडल्यापासून स्वतःचे अस्तित्व लपवून तेलंगना, सांगली, सातारा, सोलापूर, पंढरपूर या भागातील बाळू मामाच्या देवस्थानच्या पालख्यांमध्ये फिरत असल्याची झाल्याने त्यांना तावशी-पंढरपुर येथुन ताब्यात घेतले. त्यांच्याकडून जबरीने चोरी केलेल 57 तोळे वजनाचे सोन्याचे दागिने व गुन्ह्यात वापरलेली शस्त्रे हस्तगत करण्यात आली आहे. तसेच, आरोपींनी गुन्ह्यात वापरलेली मारुती स्विफ्ट कार व रायडर मोटारसायकन देखील हस्तगत केली आहे.