दानवे यांच्या विरोधात नाभिक समाजाचा मोर्चा
| अलिबाग | विशेष प्रतिनिधी |
राज्य सरकारवर टीका करताना भाजप नेते आणि केंद्रीय मंत्री रावसाहेब दानवे यांनी नाभिक समाजाबद्दल अपमानजनक वक्तव्य केल्याचा आरोप करत रायगड नाभिक संघटनेच्या वतीने अलिबाग मध्ये दानवे यांचा निषेध करण्यात आला.
यावेळी मोर्चात सहभागी झालेल्या महिलांनी रावसाहेब दानवे यांच्या छायाचित्र आणि बँनरवर जोडे मारण्यात आले आणि तदनंतर त्यांच्या प्रतिमातक पुतळ्याचे दहन करण्यात आले आहे. दानवे यांनी नाभिक समाजाची माफी मागावी, अन्यथा तीव्र आंदोलन करण्यात येईल, असा इशाराही देण्यात आला आहे.
अलिबाग येथील जिल्हाधिकारी कार्यालयासमोर रावसाहेब दानवे यांच्याविरोधात निदर्शने करण्यात आली. यावेळी जिल्हाध्यक्ष दिनेश मोरे,भाई टक्के,बाळासाहेब टक्के,अनिल पवार,महेंद्र मानेआदी उपस्थित होते. राज्यातील महाविकास आघाडीच्या सरकारवर टीका करताना मंत्री दानवे यांची जीभ घसरली. महाविकास आघाडी म्हणजे अर्धवट काम करणारे तिरुपतीचे न्हावी आहेत असे अपमानजनक वक्तव्य मंत्री दानवे यांनी केलं आहे. या विधानामुळे तिरुपती येथील नाभिक व्यवसायिक तथा समस्त नाभिक समाजाची बदनामी झाली आहे. त्यामुळे दानवे यांनी यासंबंधी जाहीर माफी मागावी, अशी आमची मागणी आहे.असे जिल्हाध्यक्ष दिनेश मोरे यांनी सांगितले. गेल्या काही दिवसांपासून मोठ्या पदावर असलेल्या व्यक्तीही आपल्या स्वार्थी राजकारणासाठी विविध राष्ट्रपुरुष, समाजाबद्दल अपशब्द वापरत आहे. त्यामुळे संबंधितांच्या भावना दुखवल्या जात आहेत. समाज-जातीबद्दल अपशब्द काढणार्यांवर जबर बसेल, अशा स्वरुपाने कायदे होणं गरजेचं आहे, असंही यांनी म्हटलं आहे.
