आरसीएफतर्फे भरतीसाठी ऑफलाईन मार्गदर्शन

| अलिबाग । वार्ताहर ।

राष्ट्रीय केमिकल्स अँडफर्टिलाइज़र्स लिमिटेडमधील नियोजित कर्मचारी भरतीसाठी घेण्यात येणार्‍या ऑनलाईन परीक्षेसंबंधी ऑफलाईन मार्गदर्शन स्थानिक उमेदवार अनुसूचीत जाती-जमाती (एसी/एनटी), इतर मागासवर्गीय (ओबीसी), आर्थिकदृष्ट्या दुर्बल, दिव्यांग आणि अनारक्षित गटांतील पात्र उमेदवारांना मार्गदर्शन लाभावे यादृष्टीने भरतीपूर्व जागरूकता कार्यक्रम (Pre Recruitment – wareness Programme) (दि. 20) सप्टेंबर रोजी सकाळी 9.30 वाजता कूरुळ वसाहती मध्ये आरसीएफ सभागृह, स्पोर्ट्स कॉम्प्लेक्स शेजारी सरखेल कान्होजी आंग्रेनगर (आरसीएफ वसाहत), कुरुळ-अलिबाग येथे आयोजित करण्यात आला आहे.

राष्ट्रीय केमिकल्स अँड फर्टिलाइज़र्स लिमिटेड या भारत सरकारच्या सार्वजनिक उपक्रमात कर्मचारी भरतीसंबंधी जाहिरात विविध वृत्तपत्रे तसेच आरसीएफचे संकेतस्थळ www.rcfltd.com या वर प्रसिद्ध झाली होती. या जाहिरातीला प्रतिसाद देऊन ऑनलाइन अर्ज केलेल्या जिल्ह्यातील उमेदवारांसाठी ऑनलाइन परीक्षेच्या स्वरूपासंदर्भात मार्गदर्शन करण्यासाठी विशेष मार्गदर्शन सत्र आरसीएफ लिमिटेड, थळ युनिटतर्फे आयोजित करण्यात येणार आहे. या सत्रात संबंधित विषयांचे तज्ञ उपस्थित उमेदवारांना मार्गदर्शन करणार आहेत. सदरच्या भरती संबंधीत मार्गदर्शन सत्राचे वेळापत्रक उमेदवारांना त्यांनी ऑनलाइन अर्जात नमूद केलेल्या इ-मेल आयडीवर कळविण्यात आले आहे. संबंधीत उमेदवारांनी सदरच्या ईमेल ची प्रत (हार्ड किंवा सॉफ्ट कॉपी) तसेच आधार कार्ड (प्राधान्याने)/पॅन कार्ड/ड्रायविंग लायसेन्सची छायाप्रत सोबत घेऊन त्यांना नेमून दिलेल्या वेळेत उपस्थित रहावे आणि मार्गदर्शनाचा लाभ घ्यावा असे आवाहन करण्यात येत आहे.