खोपोलीच्या विद्यार्थ्यांच्या खेळ कौशल्याचे प्रदर्शन
। खोपोली । प्रतिनिधी ।
क्रीडा व युवक सेवासंचलनालय महाराष्ट्र राज्य पुणे अंतर्गत जिल्हा क्रीडाधिकारी कार्यालय रायगड-अलिबाग आयोजित जिल्हास्तरीय बास्केटबॉल स्पर्धेचे आयोजन खोपोलीतील कारमेल कॉन्व्हेन्ट स्कूल येथे शासनाच्यावतीने करण्यात आले होते. या स्पर्धेत रायगड जिल्ह्यातील 30 संघांनी विविध वयो गटात सहभाग होऊन आपल्या सांघिक खेळ कौशल्याचे प्रदर्शन केले.
पोलीस निरीक्षक शीतल राऊत या स्वतः विद्यपीठ तथा राष्ट्रीय बास्केटबॉल खेळाडू असून त्यांनी विविध स्तरावर या खेळात नैपुण्य प्राप्त केले आहे. यावेळी त्यांनी खेळातील बारकावे समजावून सांगताना सराव आणि सातत्य हेच यशाचे गमक आहे. खेळाडूने प्रत्यक्ष मैदानावर जाऊन किमान दोन तास खेळायला हवे. मोबाईल पासून दूर राहत खेळ आणि अभ्यासाचा योग्य सामन्वय साधला पाहिजे, याबाबत बहुमूल्य मार्गदर्शन केले. स्पर्धेच्या उद्घाटन समारंभावेळी खोपोलीचे वरिष्ठ पोलीस निरीक्षक शीतल राऊत यांच्यासह जिल्हा क्रीडाधिकारी कार्यालयाचे राज्य क्रीडा मार्गदर्शक संदीप वांजळे, मुख्याध्यापिका सिस्टर निर्मल मारिया, तालुका कुस्तीगीर संघाचे सदस्य गुरुनाथ साठेलकर, तालुका क्रीडा समन्वयक जगदीश मरागजे, सिस्टर आयविन, सत्येंद्र यादव, जयश्री नेमाने, समीर शिंदे, धनश्री गौडा, अमित थिटे, प्रणय गायकर आदी मान्यवर उपस्थित होते.
ही बास्केटबॉल स्पर्धा 14, 17 व 19 वर्ष मुले व मुली अश्या गटात खेळवल्या गेल्या. यावेळी कारमेल स्कूल खोपोलीच्या चारही संघांनी अंतिम फेरी गाठून विजय संपादन केला. विजेत्या संघाची मुंबई विभागीय स्पर्धेसाठी निवड झाली असून, सर्व विजेत्यांचे व प्रशिक्षकांचे कारमेलच्या लोकल मॅनेजर सिस्टर मरिना यांनी कौतुक केले आहे.
स्पर्धेचा अंतिम निकाल
14 वर्ष मुलीः
विजेता- कारमेल स्कूल, खोपोली
उपविजेता- दिल्ली पब्लिक स्कूल,पनवेल
14 वर्ष मुलेः
विजेता- कारमेल स्कूल, खोपोली
उपविजेता- एल.के.एम. स्कूल, उरण
17 वर्ष मुलीः
विजेता- कारमेल स्कूल, खोपोली
उपविजेता- एल.के.एम. स्कूल, उरण
17 वर्ष मुलीः
विजेता- कारमेल कॉन्व्हेंट स्कूल, खोपोली
उपविजेता- एल.के.एम स्कूल, उरण
17 वर्ष मुलेः
विजेता- दिल्ली पब्लिक स्कूल, पनवेल
उपविजेता- कारमेल स्कूल, खोपोली
19 वर्ष मुलीः
विजेता- दिल्ली पब्लिक ज्यु. कॉलेज, पनवेल
उपविजेता- जनता ज्युनियर कॉलेज, खोपोली
19 वर्ष मुलेः
विजेता- एल.के.एम ज्युनिअर कॉलेज, उरण
उपविजेता- व्ही.डी.एम ज्यु. कॉलेज, खोपोली