Panvel Crime: कौटुंबिक वादातून एका व्यक्तीची हत्या
। पनवेल । प्रतिनिधी ।
कौटुंबिक वादातून काही व्यक्तींनी मिळून एका व्यक्तीस जबरी मारहाण केल्याने त्यात त्याचा दुर्दैवी मृत्यू झाल्याची घटना पनवेल शहरातील भारतनगर खाडी परिसरात घडली आहे.
पनवेल शहर पोलीस ठाणे हद्दीतील भारतनगर खाडी परिसरात परस्पर वैमनस्यातुन एका व्यक्तीचा खून झाला असल्याची माहिती मिळाली आहे. सलीम अन्वर शेख असे मृत व्यक्तीचे नाव आहे. या घटनेची माहिती मिळताच पनवेल शहर पोलिसांचे पथक त्याचप्रमाणे वरिष्ठ अधिकारी घटनास्थळी पोहोचले. तांत्रिक तपास व परिसरातील गुप्त माहितीदाराकडून काही व्यक्तींची माहिती मिळाली असून, या प्रकरणी काही जणांना पोलिसांनी ताब्यात घेतले आहे. गेल्या दिड महिन्यात पनवेल परिसरातील ही चौथी हत्या असल्याने परिसरात खळबळ उडाली आहे.
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.
