पीएनजी ज्वेलर्सची ग्राहकांमध्ये विश्वासार्हता कायम

सिनेअभिनेते स्वप्नील जोशी यांचे गौरवोद्गार, पु. ना. गाडगीळ ज्वेलर्स दुकानाचे शानदार उद्घाटन

| अलिबाग | प्रतिनिधी |

पीएनजी तथा पू. ना गाडगीळ ज्वेलर्सने अनेक वर्षाची परंपरा जपली आहे. ग्राहकांच्या आवडीनुसार दागिने मिळतात. गेल्या चार वर्षापासून मी या परंपरेचा ब्रँड ॲम्बेसेडर आहे. मात्र माझ्या जन्माच्या अगोदरपासून पीएनजी ज्वेलर्स आहे. माझे आईवडील या दुकानातून दागिने घेत असत. त्यामुळे गेल्या 40 वर्षापासून या ज्वेलर्सशी माझे नाते आहे. एक विश्वास व सातत्य राखणारे हे ज्वेलर्सचे दुकान आहे, असे गौरवोद्गार मराठी सिनेअभिनेते स्वप्नील जोशी यांनी काढले.

अनेक वर्षाची परंपरा असलेल्या पु. ना. गाडगीळ तथा पीएनजी ज्वेलर्सच्या दालनाचा भव्य उद्घाटन सोहळा रविवारी (दि.11) फेब्रुवारी रोजी सायंकाळी चेंढरे, बायपास रोड येथे जल्लोषात करण्यात आला. मराठी सिनेअभिनेते स्वप्नील जोशी यांच्या प्रमुख उपस्थितीत हा सोहळा पार पडला. यावेळी पीएनजी ज्वेलर्सचे चेअरमन तथा व्यवस्थापकीय संचालक डॉ. सौरभ गाडगीळ, संदेश पाटील, सतिश पाटील आदी मान्यवरांसह पीएनजी ज्वेलर्सचे कर्मचारी, ग्राहक व अलिबागकर मोठ्या संख्येने उपस्थित होते.

याप्रसंगी स्वप्नील जोशी म्हणाले, अलिबाग हे पर्यटनाच्या दृष्टीने महत्त्वाचे शहर आहे. या ठिकाणी फिरण्यास येणाऱ्या पर्यटकांसाठी येथील वातावरण ही एक पर्वणीच आहे. सुट्टीच्या दिवशी पीएनजी ज्वेलर्सचे प्रदर्शन अलिबागमध्ये भरविले जात होते. मात्र आता सोमवार ते रविवार प्रत्येक वेळेला पीएनजी ज्वेलर्स ग्राहकांसाठी खुले राहणार आहे. प्रत्येकाच्या आवडी, पसंतीनुसार विश्वासाचे दागिने पीएनजी ज्वेलर्समार्फत खरेदी करता येणार आहेत, असे स्वप्नील जोशी म्हणाले.

अनेकांना बक्षीस रुपात चांदीची नाणी
या उद्घाटन सोहळ्यानिमित्त ग्राहकांसाठी खास प्रश्न मंजुषा स्पर्धा घेण्यात आली. त्यामध्ये पु. ना. गाडगीळ यांचे पूर्ण नाव, ज्वेलर्सची स्थापना, 916 म्हणजे किती कॅरेट, ओपनिंगची ऑफर काय असे अनेक प्रश्न विचारण्यात आले. या स्पर्धेत अनेकांनी सहभाग घेतला होता. त्यामध्ये संदेश घरत, सुनील जाधव, प्रसाद गुजराथी, विनोद गवळी आणि शुभ्रा यांनी योग्य उत्तर दिल्याने त्यांना चांदीचे नाणे बक्षीस देण्यात आले. आगळ्या वेगळ्या उपक्रमाचा आनंद ग्राहकांनी मनमुरादपणे लुटला.

पीएनजी तथा पु. ना गाडगीळ ज्वेलर्सची शाखा महाराष्ट्रासह गोवा, अमेरिकेतदेखील आहे. गेल्या काही वर्षापासून रायगड जिल्ह्यातील पनवेलमध्ये आपली शाखा आहे. अलिबागचे ग्राहक त्याठिकाणी मोठ्या प्रमाणात येतात. या ग्राहकांच्या मागणीनुसार अलिबागमध्ये पहिल्यांदाच पीएनजी ज्वेलर्सचे दालन खुले केले आहे. अलिबागकरांच्या प्रेम, विश्वासामुळे हे शक्य झाले असून आपल्या दुकानात मागणीनुसार दागिने मिळतील.

डॉ. सौरभ गाडगीळ,- व्यवस्थापकीय संचालक, पीएनजी ज्वेलर्स