अस्मी पटेल 89.50 टक्के गुण मिळवून संस्थेत प्रथम
| अलिबाग | प्रतिनिधी |
राज्य माध्यमिक आणि उच्च माध्यमिक शिक्षण मंडळाचा निकाल जाहीर करण्यात आला. यामध्ये पीएनपी एज्युकेशन सोसायटी आर्ट्स, कॉमर्स, सायन्स व कॉम्प्युटर सायन्स वेश्वी-गोंधळपाडा बारावीचा निकाल 100 टक्के लागला आहे. संस्थेमधून कॉम्प्युटर सायन्समधील अस्मी पटेल 89.50 टक्के गुण मिळवून प्रथम आली आहे. तर, स्वरा पाटील द्वितीय आणि सम्यक काळे तृतीय आले आहेत.
पीएनपी एज्युकेशन सोसायटी आर्ट्स, कॉमर्स, सायन्स व कॉम्प्युटर सायन्स या सर्व विभागाचा निकाल 100 टक्के लागला आहे. यावेळी आर्ट्समध्ये अक्षता मोकल 81.00 टक्के गुण मिळवून प्रथम, आर्या पाटणकर 68.33 टक्के गुण मिळवून द्वितीय, तर पायल पाटील 66.50 टक्के गुण मिळवून तृतीय क्रमांकाने उत्तीर्ण झाली आहे. कॉमर्समध्ये निरजा म्हात्रे 74.17 टक्के गुण मिळवून प्रथम, श्रेयश ठाकुर 71.83 टक्के गुण मिळवून द्वीतीय, तर रिशिका छेडा 71.83 टक्के गुण मिळवून तृतीय क्रमांकाने उत्तीर्ण झाली आहे. सायन्समध्ये स्वरा भगत 81.50 टक्के गुण मिळवून प्रथम, अदिती डाकी 77.17 टक्के गुण मिळवून द्वीतीय, तर ज्योतिर्मय बावणे 76 टक्के गुण मिळवून तृतीय क्रमांकाने उत्तीर्ण झाली आहे. तर, कॉम्प्युटर सायन्समध्ये अस्मी पटेल 89.50 टक्के, स्वरा पाटील 87.83 टक्के आणि सम्यक काळे 86.17 टक्के गुण मिळवून कॉलेजसह संस्थेत अनुक्रमे प्रथम, द्वितीय व तृतीय आलेले आहेत.
या सर्व उत्तीर्ण विद्यार्थ्यांचे संस्थेचे अध्यक्ष जयंत पाटील, खजिनदार नृपाल पाटील, कार्यवाह चित्रलेखा नृपाल पाटील, कॉलेजचे संचालक व संस्थेचे एच.आर. विक्रांत वार्डे, प्राचार्य रविंद्र पाटील यांच्यासह इतर प्राध्यापक व शिक्षकेतर कर्मचारी आदींकडून अभिनंदन करून पुढील वाटचालीस शुभेच्छा देण्यात आल्या.