डाकघर कर्मचार्‍यांचा काळ्या फिती लावून निषेध

। मुरुड-जंजिरा । वार्ताहर ।

पीजेसीए नवी दिल्ली यांच्या आदेशानुसार दि. 18 व 19 फेब्रुवारी रोजी प्रलंबित मागण्यांकरिता काळ्या फिती लावून केंद्र शासन व पोस्ट विभागाचा निषेध करण्यात आला आहे. गेले अनेक वर्ष प्रलंबित असणार्‍या मागण्या, जुनी पेन्शन, ग्रामीण डाक सेवकांना आठ तास ड्युटी, आठवा वेतन आयोगात समाविष्ठ करून घेणे, पोस्ट विभागाचे विविध मार्गाने होणारे खाजगीकरण थांबवणे व इतर न्याय हक्क मागणीसाठी काळी पट्टी लावून मुरुड येथील ग्रामीण डाकसेवक व उपशाखा डाकघर येथील मुरुड तालुक्यातील सर्व 45 कर्मचारी वृंदानी निषेध नोंदवला आहे. यावेळी आखिल भारतीय ग्रामीण डाक सेवक कर्मचारी युनियनचे महाराष्ट्र सर्कल चे अध्यक्ष दिनेश शहापूरकर, उपसचिव एनएफपीई रायगड विभाग कौस्तुभ काटकर, एनएफपीई पोस्टमन संघटनेचे अध्यक्ष संतोषजी चिपळूणकर, पोस्ट मास्टर मुरुड दीपक घाटवळ, सुनील सतविडकर, मुश्ताक अपराध, सुधीर दांडेकर, सुधीर भाटकर, मधुकर कुर्डुसे, नीरज चव्हाण, विमल कुमार, पिंकी सुथार आदी मान्यवर उपस्थित होते.