। पनवेल । प्रतिनिधी ।
जे.एम. म्हात्रे चॅरिटेबल संस्थेच्या हिमांशू दिलीप पाटील इंग्रजी माध्यमिक शाळेच्या ‘उड्डाण’ या वार्षिक स्नेहसंमेलनात प्रमुख पाहुणे म्हणून शेकाप नेते तथा पनवेल महानगरपालिका माजी विरोधी पक्षनेते प्रीतम म्हात्रे यांनी भेट दिली. यावेळी त्यांच्या सोबत शाळा कमिटी चेअरमन दिलीप पाटील, मुख्यधापिका निशा पोलेकर, संजय सांगळे उपस्थित होते. यावेळी शाळेच्या विद्यार्थ्यांनी सांस्कृतिक महोत्सवात विविध कलाकृती सादर केल्या. आज ग्रामीण भागात इंग्रजी माध्यमाचे शिक्षण घेत आपल्या विद्यार्थ्यांकडून कलेचा वारसा जोपासला जात आहे हे पाहून शाळा देत असलेल्या शिक्षण सेवेबाबत समाधान वाटत असल्याचे मत प्रीतम म्हात्रे यांनी व्यक्त केले.