भीषण! खासगी प्रवासी बसला आग; तीस प्रवासी…

। पुणे । प्रतिनिधी ।

पुणे-मुंबई द्रुतगती मार्गावर खासगी प्रवासी बसचा अपघात होऊन भीषण आग लागली. ही घटना मंगळवारी (दि. 25) पहाटे पाचच्या सुमारास घडली. सुदैवाने बसमधील 30 प्रवासी सुखरूप आहेत. या प्रकरणी शिरगाव पोलिसांनी खासगी प्रवासी बसचालक वर्षिकेत प्रल्हाद बिराजदारला ताब्यात घेतले आहे.

पोलिसांनी दिलेल्या माहितीनुसार, कोल्हापूरकडून मुंबईच्या दिशेने निघालेल्या बसवरील चालक वर्षीकेतने वाहनाला ओव्हरटेक करत असताना बसवरील ताबा सुटला आणि महामार्गावरील संरक्षण पत्र्याला तोडून बस खाली गेली. यावेळी बसमध्ये 30 प्रवासी होते. सर्व प्रवासी खाली उतरल्यानंतर बसला भीषण आग लागली. घटनास्थळी वडगाव अग्निशमन दल, तळेगाव दाभाडे अग्निशमन दल, एमएसआरडीसी आदी घटनास्थळी दाखल होऊन आग आटोक्यात आणली. आगीत बस जळून खाक झाली आहे. याप्रकरणी हलगर्जीपणा करणार्‍या खासगी बस चालकाला शिरगाव पोलिसांनी ताब्यात घेतले आहे.