जिल्हा प्रशासनाची माहिती
। अलिबाग । विशेष प्रतिनिधी ।
रायगड जिल्ह्यात बुधवार दि. 23 फेबु्रवारी रोजी कोरोनाच्या 32 नव्या रुग्णांची नोंद झाली असून उपचारादरम्यान आज एका रुग्णाचा मृत्यू झाला आहे. आठ तालुक्यात आज एकाही नवीन रुग्णाची नोंद झालेली नाही. तर दिवसभरात 76 रुग्ण कोरोनामुक्त झाले अशी माहिती जिल्हा प्रशासनाने दिली.
बुधवारी पनवेल महापालिका हद्दीत 14, पनवेल ग्रामीण 4, खालापूर 2, कर्जत 3, पेण 1, अलिबाग 5, मुरुड 1, माणगाव 2 असे 32 रुग्ण आढळले. उरण, तळा, रोहा, सुधागड, श्रीवर्धन, म्हसळा, महाड व पोलादपूर या आठ तालुक्यात आज एकही नवीन रुग्ण आढळला नाही.
आतापर्यंत रायगड जिल्ह्यातील एकूण कोरोना बाधित रुग्णांची संख्या 2 लाख 14 हजार 405 झाली आहे. यापैकी 2 लाख 09 हजार 410 रुग्ण कोरोनातून बरे झाले आहेत. तर मृतांचा आकडा 4 हजार 692 वर गेला आहे. सद्यस्थितीत 303 सक्रीय रुग्ण कोरोनावर उपचार घेत आहेत.