अलिबाग | सिद्धी भगत |
संसार म्हणजे सायकल होय. सायकलला चालवायला दोन चाकांची जशी गरज आसते तसचं संसाराला ही दोन चाकांची गरज असते. पुढच चाक पतीच तर मागच पत्नीच. ही सायकल चालवण म्हणजे मोठी तारेवरची कसरत होय. अशीच तारेवरची कसरत करणारी व आपल्या संसाराची सायकल यशाच्या दिशेने चालवणारी अशीच एक नवदुर्गा म्हणजेच सानिका संतोष रावतडकर.
अरे संसार संसार! जसा तवा चुल्यावर!!
आधी हाताला चटके! तेव्हा मिळते भाकर!!
बहिणाबाइंच्या या ओव्या सानिका यांच्या जीवनाशी तंतोतंत जुळून येतात. आपल्याला काहीतरी करून दाखवायचे आहे हे स्वप्न त्या जागेपणी पाहायच्या. पतीच्या व मुलांच्या प्रोत्साहनामुळे व हिमतीमुळे सानिका यांच्या मनात खाद्यपदार्थांविषयी आवड निर्माण झाली व या आवडीतूनच वयाच्या 34 व्या वर्षी श्री समर्थ कृपा स्नॅक्स कॉर्नर अभे राहिलेे. जोडीदारचा हातभार व मुलांच्या मदतीतून स्वतःच्या व्यवसायाचा डोलारा सुरू झाला.
सुरूवातील अनेक अडचणी आल्या कधी नफा तर कधी तोट्यालाही सामोरे जावे लागले परंतु खचून न जाता सानिका या कठीण परिस्थितीतूनही सावरत पुढे जात राहिल्या. श्री समर्थ कृपा स्नॅक्स कॉर्नरची खासीयत म्हणजे पोहे, इडली, मेदुवडा, शीरा,उपमा, साबुदाणा खिचडी, पोळीभाजी, घावण,बटाटाभाजी, चहा, असा नाश्त्याची विक्री केली जाते. परंतु या सर्व पदार्थांची तयारी आदल्या रात्री अडीच वाजता केली जाते. सानिका व त्यांचे पती संतोष हे मध्यरात्री उठून सर्व पदार्थांची तयारी करतात व सकाळी 6 वाजल्यापासुन त्यांचा व्यवसाय अलिबाग एसटी स्टॅन्डवर सुरु होतो.साधारण 11 पर्यंत खवय्यांची गर्दी स्टॉलवर पाहायला मिळते. असा हा दररोजचा उपक्रम.यातुनच व्यवसायाला उभारी मिळते. सुट्टीच्या दिवशी पर्यटकांची स्टॉलवर गर्दी पाहायला मिळते, अलिबागमधील अनेक कॉटेजसाठी श्री समर्थ कृपा स्नॅक्स मधून नाश्ता पुरवला जाते.
अनेक संकटांवर मात करून गेली दोन वर्ष कोरोनाच्या संकटातही आपले स्नॅक्स कॉर्नर मोठे करायचे स्वप्न व आपला व्यवसायाचा डोलारा पुढे ओढणार्या सानिका रातवडकर यांना कुटुंबाचा हातभार लाभला व त्या स्वबळावर आला व्यवसाय व आपल्या स्वप्नांची गाठ कमरेला बांधून प्रगतीकडे वाटचाल करत आहेत. अशा या नवदुर्गेला व तिच्या यशोगाथेला आमचा त्रिवार सलाम.
मला हा व्यवसाय करण्यासाठी कुटुंंबाचे प्रोत्साहन व सहकार्याची साथ मिळाली व यामुळेच मी हे यशस्वी पाऊल पुढे टाकू शकले. प्रत्येक स्त्रीने आपल्या कुटूंबासाठी खंबीरपणे उभे राहिले पाहिजे, आपल्या कलागुणांतून आपले कतृत्त्व व व्यक्तिमत्व घडवू शकते हे माझे स्त्रीयांसाठी प्रेरणादायक बोध आहेत.
सानिका रातवडकर धोलपाडा