अलिबागच्या शंतनुचे पुरुषोत्तम करंडकावर नाव

आ. जयंत पाटील यांच्याकडून कौतुक
| अलिबाग | विशेष प्रतिनिधी |
पुरुषोत्तम करंडक पटकावणार्‍या अलिबागच्या शंतनु जोशी यांचा आमदार जयंत पाटील यांच्या कडून अलिबाग शेतकरी भवन येथे बोलावून आवर्जून कौतुक केले. यावर्षीचा अतिशय मानाचा समजला जाणारा पुरुषोत्तम करंडक बृहनमहाराष्ट्र वाणिज्य महाविद्यालय पूणे यांनी पटकावले. एकांकिकेचे नाव मंजम्मापुराणम् असे होते. या एकांकिकेचे – लेखन व दिग्दर्शन शंतनू जोशी व योगेश सप्रे यांनी केले. तसेच प्रमुख भूमिका शंतनू जोशी यांनी साकारलेली होती. याच निमित्ताने आज दि.15 फेब्रुवारी 2022 रोजी शेतकरी भवन येथे शेतकरी कामगार पक्ष सरचिटणीस आमदार जयंत पाटील यांनी शंतून जोशी यांचे विशेष कौतूक केले. अलिबाग येथील शंतनू जोशी याने पुरुषोत्तम करंडक या मानाच्या स्पर्धेत सहभागी होऊन अभिनयाचे पारितोषीक व प्रथम क्रमांकाच्या करंडकावर नाव कोरलेले आहे.

तसेच यानंतर पिंपरी चिंचवड येथे झालेल्या गडकरी करंडक या स्पर्धेत देखील अभिनयाचे पारितोषीक मिळविलेले आहे. अलिबाग आणि परिसरात पुरुषोत्तम करंडक मिळविण्याचा पहिला शंतनू जोशी यांनी पहिल्याच प्रयत्नात पटकावलेला आहे. पुरुषोत्तम करंडक ही महाराष्ट्रातील एक मानाची स्पर्धा आहे. या स्पर्धेतूनच आजच्या अनेक दिग्गज कलावंतांनी आपल्या कामगिरीची मुहूर्तमेढ रोवलेली आहे जसे की, अमेय वाघ, आलोक राजवाडे, निपूण धर्माधिकारी, मृण्मयी देशपांडे, अमृता सुभाष, प्रविण तरडे, क्षितिज दाते या कलाकारांची आजची कामगिरी हे या स्पर्धेचे यश आहे. सदर कौतूक समारंभास आमदार जयंत पाटील यांचे समवेत अ‍ॅड.सचिन जोशी, प्रसिध्द संगीत दिग्दर्शक विक्रांत वार्डे, रायगड जिल्हा मध्यवर्ती सहकारी बँकेचे उपमुख्य कार्यकारी अधिकारी कमलाकर वाघमोडे व मिलिंद जोशी हे उपस्थित होते.