विचित्र अपघातात तिघे जखमी

| पनवेल | प्रतिनिधी |

पनवेलजवळील मुंबई-पुणे महामार्गावर कोन गावजवळ तीन गाड्यांचा विचित्र अपघात झाला. या अपघातामध्ये 3 जण जखमी झाले. ही घटना शुक्रवारी (दि. 25) पहाटे घडली आहे.

अपघातातील स्विफ्ट डिझायर कार (एम एच 12 डब्लू जे 8707) वरील चालक शिवम रामबळी गौतम (रा. वाघोली, पुणे) हे मुंबई ते पुणे बाजूकडे पुणेलेन किमी 9/100 याठिकाणी आले असता त्यांना झोप लागल्याने बाजूने जाणाऱ्या अज्ञात वाहनास धडक लागल्याने पहिल्या लेनवर आडवी झाली. याचवेळी पाठीमागून येणाऱ्या पिकअप (एम. एच 13 इ. पी 0724) वरील चालक विशाल दीपक पांढरे (रा. पंढरपूर) यांच्या गाडीला धडक लागून अपघात झाला. यावेळी स्विफ्ट डिझायर कारमधील सुस्मिता शिवनगन (28) या जखमी झाल्याअसून लोहा झिंक राजा सिंग (वय 30, रा. पुणे) हे सुद्धा जखमी झाले आहेत. तर पिकपमधील ओमकार गुरव (रा. पंढरपूर, जि. सोलापूर) यांच्या डोक्याला दुखापत झाली आहे. या अपघातानंतर काही काळासाठी वाहतूक कोंडी झाली होती. आयआरबी क्रेनच्या साहाय्याने वाहने बाजूला काढण्यात आली. या घटनेची माहिती मिळताच पळस्पे मोबाईलवरील स्टाफ व आयआरबी स्टाफ व पनवेल तालुका पोलीस स्टेशनचे अधिकारी व कर्मचारी घटनास्थळी दाखल झाले होते.