खा.सुप्रिया सुळे यांना कोरोनाची लागण

मुंबई | प्रतिनिधी |
राष्ट्रवादीच्या खासदार सुप्रिया सुळे यांना कोरोनाची लागण झाली आहे. त्यांनी स्वत: ट्विट करत ही माहिती दिली आहे. सुप्रिया आणि त्यांचे पती सदानंद या दोघांना कोरोनाची बाधा झाली आहे. त्यांनी आपली कोरोना चाचणी केली असता, त्यात त्यांचा अहवाल कोरोना पॉझिटिव्ह आला आहे. सध्या त्यांच्यात कोरोनाची कोणतीही लक्षणे नसुन, खबरदारी म्हणून ते विलगीकरण जाणार आहेत. संपर्कात आलेल्यांना आपली कोरोना चाचणी करुन घ्यावी असे आवाहन देखील सुळे यांनी केले आहे.