स्वरा विरकुडची कराटे स्पर्धेसाठी निवड

। मुरुड-जंजिरा । वार्ताहर ।

मुरुड तालुक्यातील मजगावच्या नाज ॲकॅडमी हायस्कूल व कनिष्ठ महाविद्यालयातील कु.स्वरा निशांत विरकुड हीने पेण येथे झालेल्या जिल्हास्तरीय शालेय कराटे स्पर्धेत 17 वर्षाखालील मुलींच्या गटात प्रथम क्रमांक मिळवल्याने तिची मुंबई विभागीय कराटे स्पर्धेसाठी निवड करण्यात आली आहे.

पेण येथे झालेल्या जिल्हास्तरीय शालेय कराटे स्पर्धेत 17 वर्षांखालील मुलांच्या कराटे स्पर्धेत याच विद्यालयाचा विद्यार्थी कु.विनीत विनायक पवार याला तिसरा क्रमांक मिळाला. या विद्यार्थ्यांना कराटे प्रशिक्षक सेन्साय सनी खेडेकर, विद्यालयातील शिक्षक आशिष बुल्लु यांनी मार्गदर्शन केले. तर विद्यालयाच्या मुख्याध्यापिका मेघा भंडारे व सर्व शिक्षक कर्मचाऱ्यांनी त्यांचे अभिनंदन करून शुभेच्छा दिल्या.