अज्ञात वाहनाला टेम्पोची धडक; चालकाचा मृत्यू

| पनवेल | वार्ताहर |

टेम्पोने अज्ञात वाहनाला दिलेल्या धडकेत टेम्पोचालक संदीप गायकवाड (49) रा. पिंगोरी, पुरंदर याचा मृत्यू झाल्याची घटना पनवेल तालुका पोलीस ठाण्याच्या हद्दीत घडली आहे.

पनवेल तालुक्यातील बोरले गावाजवळ मुंबई-पुणे द्रुतगती महामार्गावर टेम्पोचालक संदीप गायकवाड भरधाव वेगाने जात असताना, या टेम्पोने अज्ञात वाहनाला जोराची धडक दिल्याने हा अपघात झाला. या अपघातात संदीप गायकवाड गंभीर जखमी होऊन त्याचा मृत्यू झाला. या घटनेची नोंद पनवेल तालुका पोलीस ठाण्यात करण्यात आली असून, पुढील तपास पोलीस करीत आहेत.