विनयभंग करणारा अटकेत
। ठाणे । प्रतिनिधी ।
कल्याण पूर्वेतील मलंग रस्त्यावर एका गृह संकुलात आपल्या आई वडिलांबरोबर राहणार्‍या आठ वर्षाच्या बालिकेचा एका 48 वर्षाच्या व्यक्तीने गेल्या महिन्यात विनयभंग केला होता. पीडित मुलीच्या आई-वडिलांनी या संदर्भात कोळसेवाडी पोलीस ठाण्यात तक्रार केली. तक्रार दाखल होताच पोलिसांनी तरुणाला मुंबईतील कांदिवली येथून अटक केली. रमेश मुरलीधर यादव असे अटक आरोपीचे नाव आहे. तो व्यवसायनिमित्त मुंबईतील कांदिवली येथे राहतो. तो मूळचा उत्तर प्रदेशातील जोनपुर जिल्ह्यातील गुणापूर गावचा रहिवासी आहे. पोलिसांनी सांगितले, गेल्या महिन्यात आरोपी रमेश यादव हा पीडित मुलीच्या घरी पाहुणा म्हणून राहण्यास आला होता. वरिष्ठ पोलीस निरीक्षक अशोक कदम यांच्या मार्गदर्शनाखाली या प्रकरणाचा तपास सुरू आहे.
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.