। म्हसळा । वार्ताहर ।
म्हसळा नगरपंचायती मधील ज्या रहिवाशांना नोटीस देऊनही आपली थकीत मालमत्ता कर आणि पाणीपट्टी कर भरणा करीत नाहीत. याच्यांवर म्हसळा नगरपंचायतीने कारवाईचा बडगा हाती घेतला आहे. म्हसळा शहरातील अनेक रहिवाशांची 5 ते 10 हजार रुपयांपर्यंतची कर वसूली बाकी असून ती 22 लक्ष इतकी आहे. या पैकी मार्च अखेरीस केवळ 43% इतकी वसुली झाली असल्याचे मुख्याधिकारी मनोज उकिर्डे यांनी माहिती देताना नगरपंचायतीला दिलेले उदिष्ट साध्य करण्यासाठी जे मिळकतदार थकबाकीचा कर भरणार नाहीत त्यांच्यावर कडक कारवाई करून प्रथम त्यांचे घरातील नळजोडणी कनेक्शन खंडित करण्याचे कारवाई केली असता आठ जणांचा पाणीपुरवठा खंडित केला असल्याचे सांगण्यात आले. मालमत्ता कर आणि पाणीपट्टी थकवणार्या नागरिक व आस्थापनावर कठोर कारवाईचा बडगा नगरपंचायतने उचलला आहे. नळकनेक्शन बंद करण्याची मोहीम नगरपंचायतने सुरु केल्याने थकबाकीदारांचे आता चांगलेच धाबे आता दणाणले आहेत. ग्राहकांनी पाणीपट्टी, मालमत्ता कर वेळेत भरावी यासाठी नगरपंचायतकडून सातत्याने पाठपुरावा केला जातो तरीही त्याकडे काही नागरिक दुर्लक्ष करतात. ग्राहकांनी वेळेवर थकबाकी भरुन कारवाईचा कटू प्रसंग टाळावा व नगरपंचायतीला सहकार्य करावे असे आवाहन मुख्याधिकारी मनोज उकिर्डे यांनी केले आह