प्रितम म्हात्रे यांच्याकडून वॉटर प्युरिफायर भेट

ज्येष्ठांना मिळणार शुद्ध पाणी
। पनवेल । वार्ताहर ।
खांदा कॉलनी सेक्टर 6 येथील लोकमाता अहिल्यादेवी होळकर उद्यानातील अमोल ज्येष्ठ नागरिक विरंगुळा केंद्रात ज्येष्ठांसाठी शुद्ध पाणी पिण्यासाठी जे.एम.म्हात्रे चॅरिटेबल संस्थेमार्फत वॉटर प्युरिफायर बसविण्यात आले. भारतीय धनगर परिषद खांदा कॉलनी यांनी प्रितम म्हात्रे यांच्याकडे मागणी केली होती. त्यानुसार जे.एम.म्हात्रे चॅरीटेबल संस्थेचे अध्यक्ष प्रितम म्हात्रे यांनी संस्थेच्या वतीने तत्काळ वॉटर प्युरिफायर बसवून त्याचे उद्घाटन करण्यात आले. वेळोवेळी ही मागणी करूनही कोणी लक्ष दिले नाही परंतु सदर विषय आम्ही विरोधी पक्षनेते प्रितम म्हात्रे यांना सांगितल्यावर त्यांनी त्वरित सहकार्य केले, त्याबद्दल भारतीय धनगर परिषदेच्या पदाधिकार्‍यांनी त्यांचे आभार मानले. यापुढेही कोणत्याही प्रकारचे आपणास सहकार्य लागल्यास शेतकरी कामगार पक्ष, खांदा कॉलनी आपल्या सोबत आहे असे प्रितम म्हात्रे यांनी तेथील उपस्थित स्थानिक ज्येष्ठ नागरिक आणि रहिवासीयांना आश्‍वासन दिले. यावेळी विरोधी पक्ष नेते प्रितम म्हात्रे, मा.उपनगराध्यक्ष गणेश पाटील, मा.नगरसेवक शिवाजी थोरवे, विजय काळे, कामगार नेते महादेव वाघमारे, अनील बंडगर, अ‍ॅड.किरण घरत, प्रकाश मुळीक, शिवाजी शिलकर, महेंद्र कांबळे, सागर भडांगे, श्याम लगाडे, अश्‍विनी जोगदंड, संतोष सावंत, अनंत म्हात्रे, मंगेश अपराज, किरण गावंड, महेश राऊत, महेश वलकुंडे, भाऊसाहेब लबडे आदी उपस्थित होते.