टेम्पोच्या धडकेने महिला जखमी

। पनवेल । प्रतिनिधी ।

भरधाव टेम्पोच्या धडकेने एक महिला जखमी झाल्याची घटना पनवेल जवळील तुरमाळा फाटा परिसरात घडली आहे. भरधाव वेगाने जाणारा टाटा पिकअप टेम्पोवरील चालक रमेश यादव याने त्याच्या ताब्यातील टेम्पो हयगयीने चालवून रस्ता ओलांडणार्‍या ताराबाई घरत (70) यांना धडक दिल्याने झालेल्या अपघातात त्या जखमी झाल्या आहेत. या अपघाताची नोंद पनवेल शहर पोलीस ठाण्यात करण्यात आली आहे.