| माणगांव | सलीम शेख |
माणगांव शहरातील उतेखोल वाडी येथील महालक्ष्मी निवारामध्ये रक्ताचे ठिपके आढळून आल्याची घटना ताजी असतानाच त्याचा अद्याप उलगडा झाला नसतानाच सलग दुसऱ्या दिवशी या निवाऱ्यामध्ये बिल्डिंग क्र. २ मध्ये तिसऱ्या मजल्यावर रूम नं. ३०१ मध्ये एका ३४ वर्षीय विवाहित तरुणाने पंख्याला ओढणी बांधून गळफास घेऊन आत्महत्या केल्याची घटना घडली आहे. या आत्महत्याच्या घटनेने माणगांव शहरात एकच खळबळ उडाली आहे. या तरुणाने आत्महत्या का केली असावी यांची जोरदार चर्चा संपूर्ण माणगांव शहरात सुरू आहे.
माणगांव उतखोलवाडी येथील महालक्ष्मी निवाऱ्यात बिल्डिंग क्र. ३ मधील ए व बी विंगच्या टेरेस व जिन्यामध्ये तसेच रस्त्यावर रक्ताचे ठिपके आढळून आल्याची घटना ताजी असतानाच दि. ५ जानेवारी रोजी दुपारी बिल्डिंग क्र. २ मध्ये राजेंद्र सुभाष जाधव, वय ३४ वर्ष या विवाहित तरुणाने गळफास लावून आत्महत्या केल्याची घटना घडली आहे. या घटनेची माहिती समजताच महालक्ष्मी निवाऱ्यात तसेच माणगांव शहरात एकच खळबळ उडाली. घटनेची माहिती समजताच माणगांव पोलीस घटनास्थळी दाखल होऊन त्यांनी सदरचे प्रेत शवविच्छेदनासाठी माणगांव उपजिल्हा रुग्णालयात आणले. या घटनेची नोंद माणगांव पोलीस ठाण्यात अकस्मात मृत्यू म्हणून दाखल करण्यात आली असून अधिक तपास पो. नि. राजेंद्र पाटील यांच्या मार्गदर्शनाखाली माणगांव पोलीस करीत आहेत.
माणगांव: महालक्ष्मी निवारामध्ये तरुणाची गळफास घेऊन आत्महत्या
