अलिबाग । विशेष प्रतिनिधी
अलिबाग तालुक्यात रविवारी 27 जून रोजी कोरोनाच्या 90 नव्या रुग्णांची नोंद झाली असून उपचारा दरम्यान 2 रुग्ण दगावले. तर दिवसभरात 57 रुग्ण कोरोना मुक्त झाल्याने त्यांना घरी सोडण्यात आले असल्याची माहिती तहसीलदार सचिन शेजाळ यांनी दिली. आतापर्यंत अलिबाग तालुक्यात कोरोना बाधित रुग्णांची संख्या 16 हजार 115 झाली आहे. यापैकी 459 रुग्णांचा मृत्यू झाला असून, 14 हजार 475 रुग्ण कोरोनातून बरे झाले आहेत. सद्यस्थितीत तालुक्यातील 1 हजार 181 पॉझिटीव्ह रुग्णांवर उपचार सुरु असल्याची माहिती तहसील कार्यालयाकडून देण्यात आली आहे.