रायगड जिल्ह्यात बुधवारी (दि.17) रामनवमी निमित्त ठिकठिकाणी राम जन्मकाळ उत्साहात साजरा करण्यात आला. यावेळी प्रभू श्रीरामांच्या मुर्तीची विधिवत पूजा अर्चा करून, श्रीरामांच्या जन्मावर किर्तनाचे आयोजन करत पालखी मिरवणूक काढण्यात आल्या.
![](http://krushival.in/grygrars/2024/04/korlai-3-e1713348565719.jpg)
मुरुड तालुक्यातील नांदगावच्या अमृतेश्वर मंदीरात रामनवमी उत्साहात साजरी करण्यात आली. या उत्सवाला शंभर वर्षांची परंपरा आहे. अमृतेश्वर मंदीरात प्रभू श्रीराम मुर्तीची विधिवत पूजा अर्चा व अभिषेक करण्यात आला. यावेळी पाली येथील प्रसिद्ध किर्तनकार तृप्ती मराठे यांचे श्रीराम जन्मावर किर्तन झाले.
![](http://krushival.in/grygrars/2024/04/nagothane-4-e1713348672782.jpg)
नागोठण्यातील व परिसरातील सर्वच श्रीराम मंदिरात रामनवमी उत्सव उत्साहात साजरा करण्यात आला. याबरोबरच नागोठण्यातील नवीन रामेश्वर मंदिरातही श्रीरामनवमीचा उत्सव विविध धार्मिक कार्यक्रमांनी साजरा करण्यात आला.
![](http://krushival.in/grygrars/2024/04/nazare-2-1-scaled-e1713349151545-1024x504.jpg)
मुरुडमधील एकदरा कोळी समाज व महिला मंडळ मुंबई रहिवासी आयोजित रामनवमी निमित्त राम जन्मकाळ गेली 61 वर्ष मोठ्या उत्साहात साजरा करतात. गावकरी सर्व हेवेदावे विसरून सकाळपासून रामाच्या मंदिरात जमतात. यावेळी 2 हजार गावकरी व मुरुडकर जन्मकाळसाठी देवळात सहभागी होतात.
![](http://krushival.in/grygrars/2024/04/panvel-14-scaled-e1713349525586-1024x496.jpg)
पनवेलच्या बल्लालेश्वर मंदिरात श्री रामनवमी निमित्त रामजन्मोत्सव साजरा करण्यात आला. यावेळी महिलावर्ग, लहान मुले, तसेच जेष्ठ नागरिकांचा सहभाग होता.
![](http://krushival.in/grygrars/2024/04/Alibag-6-e1713349637792-1024x479.jpg)
रामनवमी निमित्त अलिबागमधील श्री राम मंदिरात ब्राम्हण उत्कर्ष मंडळाच्यावतीने श्रीराम जन्मोत्सव साजरा करण्यात आला. यावेळी प्रसिद्ध कीर्तनकार श्री. अय्यर यांनी भविकांना कीर्तनरूपाने श्री राम जन्माची कथा कथन केली.
![](http://krushival.in/grygrars/2024/04/khanda2-scaled-e1713349812827-1024x522.jpg)
खांदा वसाहतीच्या बाजूला आसुड गांव येथे नव्याने राम मंदिर उभे करण्यात आले आहे. हे मंदिर दगडावर उभे कोरण्यात आले असून राम नवमीनिमित्त कीर्तन तसेच, राम जन्मोत्सव साजरा करण्यात आला.