जय कवळे राष्ट्रीय स्पर्धेत दुसरा

। अलिबाग । वार्ताहर ।
कन्याकुमारी येथे सिलंबम या खेळाच्या राष्ट्रीय स्पर्धा नुकत्याच दि.2 ते 5 मार्च रोजी झाल्या. या स्पर्धेमध्ये 24 राज्यातील सोळाशे तीस विद्यार्थ्यांनी सहभाग घेतला होता.
या स्पर्धा विविध वय वजन गटांमध्ये झाल्या. सुरूल म्हणजे तीन पाती तलवार फिरवणे या खेळ प्रकारात अलिबाग नवगावचा जय संतोष कवळे हा सीनियर गटात 75 किलो वजनामध्ये सिल्वर मेडलचा मानकरी ठरला. जय कवळे हा सिल्वर मेडल मिळवणारा रायगड जिल्ह्यातील पहिला विद्यार्थी आहे. जय हा कराटेमध्ये ब्लॅकबेल्ट आहे. यापूर्वी जय याने सातारा येथे शालेय राज्यस्तरीय स्पर्धेत सुवर्णपदक पटकावलेले होते. या स्पर्धेसाठी या खेळाचे महाराष्ट्राचे सचिव पी.वाय.अकतर यांचे मोलाचे मार्गदर्शन लाभले. तसेच जयने यशाचे श्रेय त्याची आई, आजोबा व काका यांना दिले. जय पुढील स्पर्धेचे प्रशिक्षण कराटेचे मुख्य प्रशिक्षक संतोष कवळे यांच्या मार्गदर्शनाखाली घेत आहे.