आशिया चषक: भारत-पाक आमने सामने

आशिया चषक क्रिकेट स्पर्धा सप्टेंबरमध्ये- शाह

| नवी दिल्ली | वृत्तसंस्था |

सप्टेंबरमध्ये होणार्‍या आशियाई चषक क्रिकेट स्पर्धेत भारत आणि पाकिस्तान आमने सामने येणार आहेत. तसे ट्विट आशियाई क्रिकेट परिषदेचे अध्यक्ष जय शाह यांनी प्रसिद्ध केले आहे.

शहा यांच्या ट्विटनुसार 2023 आणि 2024 मध्ये होणार्‍या स्पर्धांची यादी जाहीर केली आहे. या यादीत चाहत्यांची पहिली नजर पाकिस्तानात होणार्‍या आशिया कप 2023 वर पडली आहे. या स्पर्धेत भारत आणि पाकिस्तान संघ ज्यामध्ये एकाच गटात असणार आहे, तर दुसरा गट गतविजेता श्रीलंका, अफगाणिस्तान आणि बांगलादेश आहे. मात्र आशिया चषक पाकिस्तानात होणार की नाही हे अद्याप स्पष्ट झालेले नाही. पाकिस्तान अधिकृतपणे या स्पर्धेचे यजमानपद भूषवत आहे, परंतु बीसीसीआयचे सचिव असलेल्या जय शहा यांनी टीम इंडिया पाकिस्तानला जाणार नाही हे आधीच स्पष्ट केले आहे.

आगामी वर्षभरात क्रिकेटला नवीन उंचीवर नेण्यासाठी आमचे प्रयत्न आहेत. क्रिकेटसाठी हा उत्तम काळ असेल. आशिया चषक 2023 मध्ये लीग टप्पा सुपर-4 आणि फायनल असे एकूण 13 सामने खेळले जाणार आहे.

जय शाह
बीसीसीआय सचिव

या स्पर्धेचे वेळापत्रक अद्याप जाहीर करण्यात आलेले नाही. भारतीय संघ आशिया कपसाठी पाकिस्तानला जाणार नाही. शाह यांच्या या वक्तव्यानंतर पाकिस्तानात खळबळ उडाली आहे. पाकिस्तान बहुराष्ट्रीय स्पर्धेत प्रदीर्घ कालावधीनंतर पुनरागमन करणार असून स्पर्धेपूर्वीचे हे विधान यजमानांसाठी मोठा धक्का आहे. जय शहा यांच्या वक्तव्यानंतर पाकिस्तानकडून अशीही विधाने आली होती की, जर भारत या स्पर्धेसाठी पाकिस्तानमध्ये आला नाही तर त्यांचा संघ 2023 च्या विश्‍वचषकासाठी भारतात जाणार नाही. 2008 पासून भारतीय क्रिकेट संघ पाकिस्तानला गेलेला नाही. 2008 च्या आशिया चषकासाठी भारतीय संघ शेवटच्या वेळी पाकिस्तानला गेला होता. दोन्ही देशांमधील खराब राजकीय संबंधांमुळे अनेक दिवसांपासून द्विपक्षीय मालिका खेळल्या जात नाहीत.