| पेण | प्रतिनिधी |
तालुक्याचा कणा समजले जाणारे कार्यालय म्हणजे तहसिल कार्यालय परंतू आज तहसिल कार्यालय निम्म्याहून जास्तीचे पदे रिक्त आहेत. त्यामुळे सर्वसामान्यांच्या कामात अनेक अडथळे येताना दिसतात.
पेण तहसिलमध्ये 31 तलाठयांची आवश्यकता असताना 19 तलाठी उपलब्ध आहेत. तर 12 तलाठयांची जागा रिक्त आहे. तसेच मंडलअधिकारी 6 आवश्यक असताना फक्त 2 मंडळ अधिकारी उपलब्ध आहेत. तर 4 मंडलअधिकारार्यांच्या जागा रिक्त आहेत. या दोहोच्यामुळे शेतकर्यांची अनेक कामे रखडलेली पाहायला मिळतात. (वारस नोंदणी, सातबारा अपडेट, रेशन कार्डची कामे, उत्त्पनाचे दाखले आदी) तर तहसिल कार्यालयात एकूण 17 महसूल सहाय्यक (लिपीक) पद मंजूर असताना कार्यालयात 8 महसूल सहाय्यक उपलब्ध आहेत. तर 9 अरिक्त आहेत. तिच अवस्था नायब तहसिलदारांची 5 पैकी 3 नायब तहसिलदार उपलब्ध आहेत तर राजीव गांधी निराधार शाखेचा पद लॅब झाल्याने ती जागा आकृती बंधातून काढून टाकली आहे. मात्र, निवडणूकीसारख्या महत्वाच्या शाखेला नायब तहसिलदार उपलब्ध नाही. तर 5 वर्षाचा कालावधी उलटून गेला तरी तलाठयांना सहाय्यक असणार्या कोतवालांची भरतीच झालेली नाही. तालुक्याला 31 कोतवालांची गरज असताना 22 कोतवाल उपलब्ध आहेत.
पेण तहसिल कार्यालयाकडून कार्यालयात कर्मचार्यांची रिक्त असलेल्या पदाबाबत सप्टेंबर 2022 ला वरिष्ठांकडे तहसिलदारांमार्फत लेखी कळविले आहे. मात्र, खुर्ची संघर्षाच्या वर्चस्वापुढे लोकप्रतिनिधींना कार्यालयांमध्ये रिक्त असलेल्या पदांबाबत काही घेणे देणे नाही. त्यामुळे आज अनेक कार्यालयांमध्ये कित्येक पद रिक्त असल्याने प्रत्येक कर्मचार्यांना दोन-दोन, तीन-तीन कामाचे पदभार स्वीकारावे लागत आहेत. त्यामुळे त्याचा परिणाम कळत-नकळत कर्मचार्यांचे कौटुंबिक जीवन धोक्यात येउन कामाच्या ताणावामुळे अधिकारी व कर्मचारी सेंटीमेंट झालेले पहायला मिळतात. तरी वरिष्ठांनी लवकरात लवकर या बाबीकडे गांभीर्याने लक्ष देऊन रिक्त पद लवकारात लवकर भरावी ही कर्मचार्यांबरोबर जनतेची ही माफक अपेक्षा.