क्रीडा भूवन अलिबाग आयोजित बॅडमिंटन स्पर्धा

मंगेश शिंदे व सुनिल जाधव प्रथम
। अलिबाग । वार्ताहर ।
क्रीडा भुवन अलिबाग येथे दिनांक 20 फेब्रुवारी 2022 रोजी बॅडमिंटन पुुरुष दुहेरी स्पर्धेचे आयोजन करण्यात आले होते. सदर स्पर्धा खुला गट व प्रौढ गट (चाळीस वर्षांवरील पुरुष) अशा दोन गटात घेण्यात आल्या होत्या. त्यामध्ये प्रौढ गटात झालेल्या अत्यंत चुरशीच्या लढतीत मंगेश शिंदे व सुनिल जाधव विजेते तर नितीन जैन व विक्रम ओसवाल उपविजेते ठरले. त्याचप्रमाणे तिकडे खुल्या प्रवर्गात गणेश सपकाळ व तेजस खोमणे यांनी जेतेपद पटकावले तर उमेश व अथर्व उपविजितेपदावर समाधान मानावे लागले. विजेत्यांना एकूण 25 हजार रुपयांचे रोख बक्षीस व चषक देण्यात आले. उदय जोशी यांच्या अध्यक्षतेखाली आयोजित केलेल्या स्पर्धेसाठी नगरसेविका सौ. ठोसर तसेच श्री. प्रभू व श्रीकांत ओसवाल यांचे अर्थसहाय्य लाभले तसेच स्पर्धा यशस्वी होण्यासाठी नितीन जैन, हेमंत हजारे, अशोक साष्ठे, जुनेद घट्टे यांच्या विशेष परिश्रमासह संपूर्ण क्रीडा भुवन क्लबने मोलाचे सहकार्य केले.