। चिपळूण । प्रतिनिधी ।
चिपळूण तालुक्यातील खडपोली एमआयडीसीलगत एका खासगी जागेत असलेल्या भंगार गोदामास आग लागली. ही घटना मंगळवारी (दि. 21) दुपारी घडली. सुदैवाने, या घटनेत कोणतीही जीवितहानी झालेली नाही. मात्र, या आगीत गोदामातील विविध साहित्य जळून खाक झाल्ल्याने मोठे नुकसान झाले आहे. आग आटोक्यात आणण्यासाठी चिपळूण पालिकेच्या अग्निशमन बंबास घटनास्थळी पाचारण करण्यात आले. तोपर्यंत परिसरातील ग्रामस्थांनी मदतीसाठी धाव घेत आग विझण्याचे प्रयन्त केले. त्यानंतर पालिकेचा अग्निशमन बंब घटनास्थळी पोहोचले. अथक प्रयत्नानंतर आग आटोक्यात आणण्यात अग्निशमन दलाला यश आले.