उरणमध्ये संयुक्त बैठकीचे आयोजन
। उरण । वार्ताहर ।
उरण तालुक्यात विविध जाती धर्माचे लोक आपले सण साजरे करत आहेत. हे संपुर्ण महाराष्ट्रातील लोकांनी पाहिले आहे. त्याचा आदर्श डोळ्यासमोर ठेवून याहीवर्षी रमजान महिन्यात आलेला शिवजयंती उत्सव एकसंघ साजरा करण्यासाठी प्रत्येकाने पुढाकार घ्यावा, असे आवाहन वपोनि सतीश निकम यांनी उरण वासियांना केले आहे.
यावर्षी रमजान महिन्यात गुरुवारी (दि.28) शिवजयंती उत्सव येत असल्याने दोन्ही समाजांच्या लोकांनी दोन्ही सण गुण्यागोविंदाने साजरे करण्यासाठी एकसंघ व्हावे यासाठी नवीमुंबई पोलीस आयुक्त मिलिंद भारंबे यांच्या मार्गदर्शनाखाली उरण पोलीस ठाण्याचे वरिष्ठ पोलीस निरीक्षक सतीश निकम यांनी मंगळवारी (दि.26) त्यांच्या दालनात सार्वजनिक शिवजयंती उत्सव मंडळाचे पदाधिकारी, मुस्लिम बांधव यांच्यात संयुक्त बैठकीचे आयोजन केले होते. यावेळी उपस्थितांना मार्गदर्शन करताना तसेच दोन्ही सणांचे महत्त्व पटवून देताना वरिष्ठ पोलीस निरीक्षक सतीश निकम हे बोलत होते.
यावेळी नरेश रहालकर, संदेश ठाकूर, अली मुखरी, रयान तुंगेकर, अमजद दाखले, जयवंत कोळी, रमेश पाटील, यासिन पाईक गँस, पोलीस भिमा, भुषण घरत, अली मुखरीसह इतर पदाधिकारी उपस्थित होते.
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.