पाण्यासाठी करंजाडेकरांचा जलआक्रोश

सिडको कार्यालयावर धडक मोर्चा

| पनवेल | विशेष प्रतिनिधी |

करंजाडे वसाहतीमधील नागरिकांना भेडसावत असलेल्या पाणीटंचाईविरोधात आक्रमक झालेल्या वसाहतीमधील नागरिकांनी अखेर मंगळवार ( ता.28) बेलापूर येथील सिडको कार्यालयावर धडक दिली.
या मोर्चात शिवसेना (उद्धव बाळासाहेब ठाकरे) जिल्हा संपर्कप्रमुख बबनदादा पाटील, जिल्हाप्रमुख शिरीष घरत, माजी आमदार मनोहर भोईर, पनवेल शहर जिल्हा अध्यक्ष सुदाम पाटील, तालुका अध्यक्ष नंदराज मुंगाजी, कृषी उत्पन्न बाजार समितीचे मा. सभापती राजेंद्र पाटील, मा. नगरसेवक गणेश कडू, मा. सरपंच तथा आयोजक रामेश्वर आंग्रे, माजी उपसरपंच योगेंद्र कैकाडी, नंदकुमार मुंडकर, गौरव दादा गायकवाड, संदीप चव्हाण, निखिल भोपी, चंद्रकांत पाटील, सचिन केणी, समाजसेवक राम पाटील, मंगेश बोरकर, किरण पवार, संतोष पाडेकर, सुधाकर ननावरे, उमेश भोईर, योगेश राणे, केतन आंग्रे, सईद दादन, नीलिमा भगत, हेमा गोटमारे, अर्चना रसाळ, आशा केरेकर, अर्चना बनावली, मधुरा पाथरे यांच्यासह शेकडो संतप्त रहिवासी या जलआक्रोश मोर्चात रिकाम्या कळशा व हांडे घेऊन सहभागी झाले होते.

करंजाडे सेक्टर 5 अ आणि सेक्टर 6 येथील नागरिक अक्षरशः घरे विकून अन्यत्र स्थलांतरित होऊ लागले आहेत. अन्य सेक्टरमध्येदेखील कमी दाबाने पाणीपुरवठा होत आहे. माजी सरपंच रामेश्वर आंग्रे यांच्या नेतृत्वाखाली करंजाडे वसाहतीमधील नागरिक एकवटे होते. 18 एमएलडी पाण्याची आवश्यकता असूनदेखील सिडको अवघी 12 ते 13 एमएलडी पाणी प्रतिदिन पुरविते. त्यातही नियोजन नसल्यामुळे काही सेक्टरना मुबलक पाणी मिळते, तर बाकीच्या सेक्टर्समधील घागरी अक्षरशः रिकाम्या आहेत. दरम्यान, या मोर्चाला सामोरे जाताना सिडको अधिकाऱ्यांनी येत्या आठ दिवसांत सुरळीत पाणीपुरवठा करू असे आश्वासन दिले. तसेच तोपर्यंत टँकरद्वारे पाणीपुरवठा केला जाईल, अशी माहिती दिली.

टँकरने पाणीपुरवठा करण्यापेक्षा करंजाडेवासियांना पाणी लवकरात लवकर मुबलक प्रमाणात अन्यथा पुन्हा रस्त्यावर उतरून सिडकोला याचा जाब विचारू.

बबनदादा पाटील

सिडकोने वसाहत उभारण्यापूर्वी पाण्याचे नियोजन न कल्याने आज ही पाणीटंचाईची वेळ येथील नागरिकांवर आली आहे. आता फक्त पाण्याची पाईपलाईन टाकली आहे, प्रत्यक्ष जोडणी व पाणीपुरवठा कधी करणार हा सवाल सिडकोच्या अधिकाऱ्यांना आहे.

रामेश्वर आंग्रे, माजी सरपंच