अजिंक्यपद टेबल टेनिस स्पर्धेचे आयोजन

। पनवले । वार्ताहर ।
लायन्स क्लब ऑफ पनवेल आणि नवी मुंबई स्पोर्टस व सामाजिक विकास मंडळ यांच्या संयुक्त विद्यमाने नवी मुंबई व रायगड जिल्हा अजिंक्यपद टेबल टेनिस स्पर्धेचे आयोजन शनिवर दिनांक 13 ऑगस्ट 2022 ते रविवार दिनांक 14 ऑगस्ट 2022 रोजी याकालावधीत सिडको समाज मंदिऱ दुसरा मजला सेक्टर 18 नवीन पनवेल येथे महाराष्ट्र शासनाचा शिवछत्रपती राज्य क्रीडा पुरस्कार विजेते व रायगड जिल्हा टेबल टेनिस असोसिएशनचे अध्यक्ष संजय सुदाम कडू यांच्या मार्गदर्शनाखाली आयोजित करण्यात आली आहे.

स्पर्धेचे उद्घाटन दि.13 ऑगस्ट रोजी सकाळी दहा वाजता होणार आहे. याप्रसंगी लायन्स क्लब ऑफ पनवेलचे अध्यक्ष लायन हेमंत ठाकुर, सेक्रेटरी लायन नंदकिशोर धो्रत्रे, खजिनदार लायन एस.जी. चव्हाण, स्पोर्टस प्राजेक्ट चेअरमन लायन राजेंद्र जेसवानी, लायन संजय पोतदार, लायन नागेश देशमाने, लायन अशोक जिल्डा लायन मधुकर भगत, लायन मदन गोवारी, लायन संजय गोडसे, लायन गौतम म्हस्के आदी मान्यवर उपस्थित राहणार आहेत. या स्पर्धेचा बक्षीस वितरण समारंभ रविवार, दि. 14 ऑगस्ट रोजी सायंकाळी सहा वाजता लायन्स क्लब ऑफ पनवेलचे अध्यक्ष लायन हेमंत ठाकूर यांच्या हस्ते होणार आहे.

कै.मोरेश्‍वर सदाशिव पोतदार व कै. मंगला मोरेश्‍वर पोतदार यांच्या स्मरणार्थ लायन्स क्लब ऑफ पनवेलतर्फे टेबलटे निस स्पर्धेतील पुरूष व महिला विजेत्यास फिरता चषक देण्यात येणार आहे. तसेच महाराष्ट्र राज्य अजिंक्यपद टेबल टेनिस स्पर्धेसाठी संघ निवडताना या स्पर्धेतील विजयी खेळाडूंचा विचार केला जाणार आहे. सदर स्पर्धा बीगनर्स मुली व मुले, 11 वर्षा खालील मुली व मुले, 13 वर्षा खालील मुली व मुले, 15 वर्षा खालील मुली व मुले, 17 वर्षा खालील मुली व मुले, 19 वर्षा खालील मुली व मुले, महिला व पुरूष, व्हेटरन पुरूष, पुुरूष डबल्स अशा विविध गटांत स्पर्धा घेण्यात येणार आहेत. या स्पर्धेचे चीफ रेफ्र्री डी.आर. साळसकर व असिस्टंट चीफ रेफ्री पराग अंकोलेकर हे काम पहाणार आहेत.