तळ्यात रिसर्च कोर्स वर्कचे आयोजन

| तळा | प्रतिनिधी |

द.ग. तटकरे कला व वाणिज्य महाविद्यालय तळा राज्यशास्त्र संशोधन केंद्राच्या माध्यमातून पीएचडी कोर्स वर्कचे आयोजन 5 ते 28 फेब्रुवारी या कालावधीत करण्यात आले आहे. हा रिसर्च कोर्स वर्क पीएचडी पदवीसाठी प्रवेश घेतलेल्या सर्व विद्यार्थ्यांना करणे अनिवार्य असते.

या कोर्स वर्कच्या माध्यमातून संशोधनातील वेगवेगळ्या पैलूंचा, त्या दृष्टीने असणाऱ्या पद्धतींचा, संशोधनाची शिस्त बाळगण्यासाठी आवश्यक असणाऱ्या घटकांचा व संशोधन करत असताना वापरण्यात येणाऱ्या विविध तंत्रांचा कसा वापर करावा, त्याचा कसा आधार घ्यावा याची इत्यंभूत माहिती देण्यात येत आहे. या वर्कचे उद्घाटन मुंबई विद्यापीठ राज्यशास्त्र अभ्यास मंडळाच्या चेअरमन प्राचार्य डॉ. अमृता देशमुख यांच्या हस्ते करण्यात आले. यावेळी की नोट स्पीकर म्हणून सिनियर प्राध्यापक डॉ. गायकवाड (पुणे) हे उपस्थित होते.

कोस वर्कससाठी देशभरातील 9 विद्यापीठातील संशोधक विद्यार्थी, प्राध्यापकांसह 110 पेक्षा प्राध्यापक, संशोधक विद्यार्थ्यांनी सहभाग नोंदविला असून या सहभागी विद्यार्थ्यांना मार्गदर्शन करण्यासाठी देशातील 8 विद्यापीठातील रिसर्चच्या क्षेत्रात कार्यरत असणाऱ्या वेगवेगळ्या मान्यवरांचे मार्गदर्शन आयोजित करण्यात आलेले आहे. या रिसर्च कोर्सचे कन्व्हीनर म्हणून वीर वाजेकर महाविद्यालय फुंडे, द. ग. तटकरे कला व वाणिज्य महाविद्यालय राज्यशास्त्र रिसर्च सेंटरचे संशोधन मार्गदर्शक डॉ संदीप घोडके, डॉ भगवान लोखंडे, डॉ. तृप्ती थोरात, प्राचार्य डॉ नानासाहेब यादव यांनी मेहनत घेतली आहे. संस्थेचे विश्वस्त नंदकुमार वेदक, मारुती शिर्के, विठ्ठल जोशी, मंगेश देशमुख, पुरुषोत्तम मुळे, महेंद्र कजबजे, चंद्रकांत रोडे, संस्थेचे सर्व पदाधिकारी, महाविद्यालय विकास समितीचे सदस्य या सर्वांनी या रिसर्च कोर्सच्या यशस्वी आयोजनाबद्दल रिसर्च सेंटरचे मनापासून कौतुक केले आहे.