चिरनेर गावात शौर्याचा इतिहास होणार जागा
। चिरनेर । वार्ताहर ।
ऐतिहासिक चिरनेर गावातील जंगल सत्याग्रहाचा 92 वा. हुतात्मा स्मृतिदिन रविवार (25 ) रोजी सकाळी ठीक 11:30 वाजता साजरा करण्यात येणार आहे. चिरनेर ग्रामपंचायत उरण पंचायत समिती व रायगड जिल्हा परिषदेच्या संयुक्त विद्यमाने हा जंगल सत्याग्रहाचा हुतात्मा स्मृतिदिन गावातील स्मृतिस्तंभाजवळ साजरा करण्यात येणार आहे.
सत्याग्रहातील स्वातंत्र्य लढ्यात आपल्या प्राणाचे बलिदान देणार्या हुतात्म्यांना त्यांच्या स्मृतिदिनी अभिवादन करण्यासाठी माजी पर्यावरण मंत्री तथा शिवसेनेचे युवासेना प्रमुख आदित्य ठाकरे, खा. श्रीरंग बारणे, माजी खा.अनंत गीते, खा.राजन विचारे, आ. बाळाराम पाटील, माजी आ. मनोहर भोईर, काँग्रेस जिल्हाध्यक्ष महेंद्र घरत, पी. पी. खारपाटील, जिल्हाधिकारी महेंद्र कल्याणकर, राजीपचे मुख्य कार्यकारी अधिकारी किरण पाटील, शेकापचे रायगड सरचिटणीस आस्वाद पाटील, बबन पाटील, प्रशांत पाटील, आर.सी. घरत, संदेश ठाकूर, बाजीराव परदेशी, कुंदा ठाकूर, विजय भोईर, रीना घरत, नरेश घरत, सागर कडू, शुभांगी पाटील, समिधा म्हात्रे, वैशाली पाटील, हिराजी घरत, दीपक ठाकूर, दिशा पाटील, तहसीलदार भाऊसाहेब अंधारे, वरिष्ठ पोलीस निरीक्षक सुनील पाटील, संजय भोये, अरुण जाधव, राजेंद्र खारपाटील आदी मान्यवर उपस्थित राहणार आहेत.
उपस्थितांचे स्वागत सरपंच संतोष चिर्लेकर, प्रियांका गोंधळी, किरण कुंभार, नमस्ते मोकल. किशोर भगत, रमेश फोफेरकर, संतोष कातकरी, धनेश ठाकूर, धर्मेंद्र म्हात्रे, शितल घबाडी, संध्या ठाकूर, सविता केणी, नीता पवार, विनंती फुंडेकर, संध्या नारंगीकर, प्रतीक्षा मोकल, महेश पवार आदी करणार आहेत. याप्रसंगी हुतात्म्यांच्या व स्वातंत्र्यसैनिकांच्या नातेवाईकांचा सन्मान करण्यात येईल. प्रारंभी बारा वाजता पोलिसांकडून बंदुकीच्या तीन फैरी झाडून शासकीय इतमात अभिवादन करण्यात येईल. त्यानंतर उपस्थित मान्यवर पुष्पचक्र अर्पण करून आदरांजली वाहतील.