बीएसएनएलच्या कार्यालयात चोरी

96 हजार रुपये किंमतीच्या 48 बॅटऱ्या लंपास

| रायगड | जिल्हा प्रतिनिधी |

बीएसएनएलच्या रिमोट स्टेशन कार्यालयामधून 48 बॅटरींची चोरी झाली आहे. त्यामध्ये 96 हजार रुपयांचा ऐवज लंपास करण्यात आला आहे. याप्रकरणी पोयनाड पोलीस ठाण्यात अज्ञाताविरोधात गुन्हा दाखल करण्यात आला आहे.

मिळालेल्या माहितीनुसार, अलिबाग तालुक्यातील पोयनाड येथील बस स्थानकाच्या मागील भागात बीएसएनलच्या रिमोट स्टेशन कार्यालय आहे. दि.26 जानेवारी ते 24 एप्रिल या चार महिन्यांच्या कालावधीत चोरटे कार्यालयाच्या खिडकीतून आत घुसले. त्यानंतर आतमध्ये असलेल्या एचबीएल कंपनीच्या 48 बॅटऱ्यांची चोरी त्यांनी केली. ही बाब तक्रारदार यांच्या लक्षात आल्यावर त्यांनी पोयनाड पोलीस ठाण्यात अज्ञाताविरोधात गुन्हा दाखल केला. या गुन्ह्याचा तपास पोलीस हवालदार सुरेश वाघमारे करीत आहेत.