विविध गुन्ह्यातील जप्त वाहनांचा होणार लिलाव

| पनवेल | वार्ताहर |

पनवेल शहर पोलीस ठाण्याच्या हद्दीत झालेल्या विविध गुन्ह्यातील 25 जप्त वाहनांचा लिलाव केला जाणार आहे. पनवेल शहर पोलीस ठाणे येथे विविध गुन्ह्यांमध्ये एकूण 25 वाहने जप्त करण्यात आलेली असून, सदर वाहनांचेमुळ मालकांचा शोध घेतला परंतु, ते मिळून येत नाहीत. सदरच्या गाड्या बर्‍याच कालावधीपासून पोलीस ठाणे आवारात पडून आहेत. त्यांचे मुळ मालक मिळून येत नसल्याने प्रत्यक्ष लिलाव प्रक्रिया केली जाणार आहे.

तत्पुर्वी वरील नमुद वाहनांबाबत आजपर्यत कोणीही सदर वाहनांचे मालकीबाबत दावा दाखल केलेला नाही. मा. प्रादेशिक परिवहन अधिकारी कळंबोली यांच्याकडे उपलब्ध वाहनांचे आरटीओ रजि. नंबर, इंजिन नंबर, चेसीज नंबरची पडताळणी केली असता सदर वाहनांचे मालक मिळून आले नाहीत. सदर गुन्हयातील जप्त वाहने ही भंगारात कश करून त्याचा लिलाव करण्याची मा. न्यायालयाने परवानगी दिली असून सदर वाहनांचा दि.18 फेब्रुवारी रोजी 11.00 वा. ठेवण्यात आलेला होता. परंतु, 18 रोजीची लिलावाची तारिख रद्द झाल्याने लिलाव पुन्हा दि. 27 रोजी होणार आहे. सदरचा लिलाव पनवेल शहर पोलीस ठाणे आवारात करण्यात येणार असून, त्यासाठी इच्छुकांनी तत्पूर्वी पनवेल शहर पोलीस ठाण्याचे दुरध्वनी क्र. 8591424350 वर संपर्क साधावा, असे आवाहन वपोनि नितीन ठाकरे यांनी केले आहे.