प्रत्येक ग्रामपंचायत क्षयरोग मुक्त होणार

मुरुड तालुका टिबी फोरम बैठकीत निर्धार

। आगरदांडा । प्रतिनिधी ।

क्षयरोग निर्मूलनासाठी चांगल्या प्रकारे काम करुन प्रत्येक ग्रामपंचायत क्षयरोग मुक्त करण्याचा निर्धार मुरुड पंचायत समिती नानासाहेब धर्माधिकारी सभागृहात गटविकास अधिकारी राजेंद्रकुमार खताळ यांच्या अध्यक्षतेखाली व तालुका आरोग्य अधिकारी संतोष नारायणकर यांच्या मार्गदर्शनाखाली तालुकास्तरीय टीबी फोरम बैठकीत करण्यात आला.

यावेळी गटविकास अधिकारी राजेंद्रकुमार खताळ, तालुका आरोग्य अधिकारी संतोष नारायणकर, मुरुड वैद्यकीय अधीक्षक उषा चोले, आरोग्य सेवक राजेंद्र चुनेकर, डॉ. मकबुल कोकाटे, डॉ. मयुर कल्याणी, डॉ. अमित बेनकर, डॉ. श्रेया पाटील, डॉ. फैजान मिस्त्री, प्राची चौलकर, राजेश वाडेकर, विजय वाघमारे, शुभांगी कोतवाल आदिंसह आशा सेविका, कर्मचारी उपस्थित होते.

राष्ट्रीय क्षयरोग दुरीकरण कार्यक्रम अंतर्गत प्रत्येक ग्रामपंचायत क्षयरोग मुक्त ग्रामपंचायत करण्याचा राज्य सरकारचा प्रयत्न असून यासाठी तालुका व गावपातळीवर काम केले जाणार आहे. याबाबत कार्यक्रमाची रुपरेषा ग्रामपंचायत स्तरावर केली जाणार आहे. क्षयरुग्णाची तपासणी, क्षय रोगावरील उपचार, रोगप्रसार कसा थांबवावा त्याकरिता तालुका टिबी फोरम प्रमाणेच प्रत्येक ग्रामपंचायतीमध्ये सरपंचाच्या अध्यक्षतेखाली ग्रामपंचायत टिबी फोरमची स्थापना केली जाणार आहे. प्रत्येकांनी ग्रामपंचायतस्तरावर क्षयरोग निर्मूलनाबाबत जनजागृती करावी, अशी माहिती अधिकारी राजेंद्रकुमार खताळ यांनी दिली.

तालुक्यात 42 टिबीचे रुग्ण होते. 4 रुग्णांनी क्षयरोगवर मात करुन पुर्णतः बरे झाले आहेत. आता सद्यस्थितीत 38 रुग्ण क्षयरोगावर उपचार घेत आहेत. क्षयरोग नियंत्रणात ठेवण्याकडे आरोग्य विभागाकडुन प्रयत्न सुरू आहेत. अशी माहिती मुरुड ग्रामीण रुग्णालयाचे आरोग्य अधिक्षक उषा चोले यांनी दिली. यावेळी कार्यक्रमाचे सूत्रसंचालन राजेंद्र चुनेकर यांनी केले.