। अलिबाग । विशेष प्रतिनिधी ।
बंद घराच्या मुख्य दरवाजाचा कडी कोयंडा तोडून घरातील 83,000/-रुपये किमतीचे सोन्याचे व चांदीचे दागिने असा ऐवज लंपास केल्याची घटना तालुक्यातील वेश्वी येथे घडली आहे. अलिबाग पोलीस ठाणे हद्दीतील घर क्र.681 वेश्वी ता.अलिबाग या घरात 24 रोजी 10:30 ते दि. 25 मे 2022 रोजी 10:30 वा च्या दरम्यान ही घटना घडली. अज्ञात चोरटयाने बंद घराच्या मुख्य दरवाजाचा कडी कोयंडा तोडुन त्यावाटे आत प्रवेश केला. आणि घरातील एकूण 83 हजार रुपये किमतीचे सोन्याचे व चांदीचे दागिने असा ऐवज लंपास केला. या घरफोडीच्या घटनेबाबत अलिबाग पोलीस ठाणे येथे भा.दं.वि.क. 380,454,457 प्रमाणे गुन्हा दाखल करण्यात आला आहे अधिक तपास पोलीस उपनिरीक्षक श्री.कावळे हे करीत आहेत.
वेश्वी येथे घरफोडी; 83 हजारांचा ऐवज लंपास
