एक हजार विद्यार्थ्यांना शैक्षणिक साहित्य वाटप

। खांब । वार्ताहर ।

साई फाऊंडेशन चॅरिटेबल ट्रस्ट मुंबई व नाईटिंगल चॅरिटेबल ट्रस्ट मुंबई यांच्यावतीने रोहा तालुक्यातील विविध माध्यमिक व प्राथमिक शाळेतील सुमारे एक हजार विद्यार्थ्यांना शैक्षणिक साहित्य व खाऊचे वाटपाचा कार्यक्रम संपन्न झाला.

गेल्या दहा वर्षांची यशस्वी परंपरा राखत याही वर्षी साई फाऊंडेशन चॅरिटेबल ट्रस्ट मुंबई व नाईटिंगल चॅरिटेबल ट्रस्ट मुंबई यांच्यावतीने स्व.शिवरामकृष्णन आयर यांच्या स्मरणार्थ व डॉ.असिफ कासकर यांच्या विशेष प्रयत्नांतून तालुक्यातील खांब, चिल्हे, विठ्ठलवाडी, तळाघर येथील माध्यमिक विद्यालय व तळवली, नडवली, चिल्हे, धानकान्हे, देवकान्हे, उडदवणे, मुठवली खु. गावठाण, तारेघर, खारी, देवकान्हे डोंगर वाडी आदी प्राथमिक शाळेतील सुमारे एक हजार विद्यार्थ्यांना शैक्षणिक साहित्याचे व खाऊचे वाटप करण्यात आले. यावेळी डॉ. असिफ कासकर, डॉ. गौतम त्रेहन, अमित चौधरी, संदीप विचारे, कविता पाटील, अश्‍विनी विचारे, संदेश गमरे, विनोद पाटील, तौसिफ येरूणकर आदी मान्यवर उपस्थित होते.