। नेरळ । वार्ताहर ।
भैरवनाथ क्रीडा मंडळ देऊळवाडी आणि शिवसेना शाखेच्या वतीने आमदार चषक 2022 या जिल्हास्तरीय कबड्डी स्पर्धेचे आयोजन करण्यात आले होते. या स्पर्धेत मिडलाईन कर्जत संघाने बाजी मारत प्रथम क्रमांकावर शिक्कामोर्तब केले.
देऊळवाडी शिवसेना शाखेच्या माध्यमातून जिल्हास्तरीय कबड्डी स्पर्धा आमदार चषक 2022 चे आयोजन केले होते. याप्रसंगी स्थानिक आमदार महेंद्र थोरवे, आमदार भरत गोगावले, भारत श्री अमोल आंग्रे, बैलगाडा शर्यत महाराष्ट्र राज्याचे अध्यक्ष पंढरीनाथ फडके व महाराष्ट्राचा महागायक वैभव थोरवे, जिल्हा सल्लागार बबन पाटील, भरत भगत, भाई गायकर, संतोष भोईर, मनोहर थोरवे, रत्नाकर बडेकर आदींच्या उपस्थितीत गुणवंत विद्यार्थी व रायगड भूषण पुरस्काराने गौरविण्यात आलेल्या मान्यवरांचा सत्कार करण्यात आला.
या जिल्हास्तरीय कबड्डी स्पर्धेत मिडलाईन कर्जत प्रथम, जय हनुमान चरी द्वितीय, गणेश क्लब उरण तृतीय तर सुर्योदय पोसरी चतुर्थ क्रमांकाचा मानकरी ठरला. यामध्ये सर्वोत्कृष्ट खेळाडू बिपीन तळे, उत्कृष्ट चढाई भारत पाटील, उत्कृष्ट पक्कड कल्पेश थोरवे तर उत्कृष्ट खेळाडू म्हणून प्रशांत जाधव याला सन्मानित करण्यात आले.
ही कबड्डी स्पर्धा यशस्वी करण्यासाठी विकास बडेकर, योगेश बडेकर, रत्नाकर बडेकर, सागर बडेकर, सुयोग गायकर, जयेश बडेकर, शरद बडेकर, साईनाथ श्रीखंडे, शत्रुघ्न बडेकर, सुमित बेडेकर, पप्पू पाटील, रोहित तुर्भे, विनोद बडेकर, अनिकेत बडेकर आदींसह ग्रामस्थांनी मेहनत घेतली.