अलिशान सोगाव क्रिकेट स्पर्धेत साई झिराड संघ विजेता

सोगाव | अब्दुल सोगावकर |

मरहूम इर्शाद कप्तान पुरस्कृत अलिशान सोगाव चषक 2022 च्या भव्य प्रकाशझोतातील क्रिकेट स्पर्धांचे आयोजन सोगाव येथील भव्य क्रिकेट मैदानात करण्यात आले होते. या स्पर्धेत साई झिराड संघाने विजेतेपद पटकाविले.
अंतिम सामना गावदेवी गोंधळपाडा व साई झिराड यांच्यात झाला, यामध्ये साई झिराड संघाने बाजी मारत स्पर्धेत प्रथम क्रमांक पटकविले, तर द्वितीय क्रमांक गावदेवी गोंधळपाडा या संघाने तर तृतीय क्रमांक कुबेर इलेव्हन अलिबाग या संघाने पटकविले. या स्पर्धेत मालिकावीर स्वस्तिक म्हात्रे, उत्कृष्ट गोलंदाज आमीर पुजारी, उत्कृष्ट फलंदाज रोहित पाटील यांना पुरस्कार देण्यात आले. तसेच सर्व विजेत्या संघास आकर्षक पारितोषिक व चषक देऊन गौरविण्यात आले.
स्पर्धाकाळात जि.प.सदस्य अ‍ॅड. आस्वाद पाटील, जि.प.सदस्या चित्रा पाटील यांच्यासह सामाजिक व राजकीय क्षेत्रातील अनेक मान्यवरांनी उपस्थिती लावत आयोजकांना व खेळाडूंना प्रोत्साहन दिले. स्पर्धेचे उदघाटन रायगड बाजारचे चेअरमन नृपाल पाटील यांच्या हस्ते व जि.प.समाजकल्याण सभापती दिलिप भोईर यांच्यासह अनेक मान्यवरांच्या उपस्थितीत करण्यात आले होते. या स्पर्धेत एकूण 24 संघानी सहभाग घेतला होता,
बक्षीस वितरण समारंभ जि.प.समाजकल्याण सभापती दिलिप भोईर (छोटमशेठ) यांच्या हस्ते करण्यात आले, यावेळी लाईक कप्तान, महम्मदअली शेख, रवींद्र म्हात्रे, अशोक थळे, आदी मान्यवर मोठ्या संख्येने उपस्थित होते. स्पर्धेत समालोचन विकास साखरकर, काका म्हात्रे, सुहास फाटक,नदीम वाकनीस यांनी उत्तमरित्या केले. स्पर्धा यशस्वी करण्यासाठी अलिशान क्रिकेट संघाचे सर्व सभासद व ग्रामस्थ सोगाव यांनी योग्य प्रकारे नियोजन करत सामने शांततेत संपन्न केले.