विद्यार्थ्यांनी साकारला किल्ला

। अलिबाग । प्रतिनिधी ।

रायगड जिल्हा परिषद शाळा साखर येथे दिवाळीनिमित्त मुख्याध्यापक राजेंद्र पाटील व उपशिक्षिका स्मिता चिखले यांच्या मार्गदर्शनाखाली विविध उपक्रमांचे आयोजन करण्यात आले होते. विद्यार्थी, शिक्षक तसेच पालक या उपक्रमात सहभागी झाले होते. गडकिल्ल्‌‍यांचे महत्त्व पटवून देण्यासाठी मातीपासून विद्यार्थ्यांनी किल्ला बनवला. किल्ला बनवताना विद्यार्थ्यांनी मनमुराद आनंद लुटला. तसेच आकाश कंदिल बनवणे, पणत्या रंगवणे, विविध प्रकारची शुभेच्छा पत्र तयार करणे यासारख्या विविध उपक्रमांचे आयोजन करण्यात आले होते. या उपक्रमांमुळे विद्यार्थ्यांना कार्यानुभव या विषयाचे महत्त्व समजण्यास मदत झाली. तसेच कागद काम, रंगकाम या विषयाची गोडी निर्माण झाली.आकाश कंदिल बनवण्यासाठी शाळा व्यवस्थापन समिती उपाध्यक्ष रेश्मा भुकवार यांनी विद्यार्थ्यांना उत्तम असे मार्गदर्शन केले.